नांदगाव येथील सौ.क.मा.कासलीवाल माध्य.विद्यालयात भगवान बिरसा मुंडा यांची जयंती उत्साहात साजरी करण्यात आली. याप्रसंगी मुख्याध्यापक श्री गोरख डफाळ,श्री. विशाल सावंत,शालेय व्यवस्थापन समितीचे उपाध्यक्ष श्री. सुनील उगले इ .मान्यवरांच्या हस्ते भगवान बिरसा मुंडा यांच्या प्रतिमेचे पूजन करण्यात आले.
विद्यालयातील शिक्षक विजय गायकवाड यांनी आपल्या मनोगतात भगवान बिरसा मुंडा यांच्या जीवन कार्याचा परिचय विद्यार्थ्यांना करून दिला.तसेच भगवान बिरसा मुंडा यांच्या नेतृत्वाखाली 'उलगुलान' हा एक मोठा आदिवासी उठाव होता, जो त्यांनी ब्रिटिश राजवट आणि जमीनदारांच्या शोषणाविरुद्ध पुकारला होता. याविषयी माहिती विद्यार्थ्यांना दिली.
भगवान बिरसा मुंडा जन्मशताब्दीनिमित्त विद्यालयात विविध स्पर्धांचे आयोजन करण्यात आले होते .यात निबंध स्पर्धा, आदिवासी शैलीतील चित्रकला स्पर्धा, नृत्य स्पर्धा विद्यालयात घेण्यात आल्या. यातील विजेत्या स्पर्धकांना यावेळी बक्षीस वितरण करण्यात आले. मनमोहक नृत्य पाहून शालेय व्यवस्थापन समितीचे उपाध्यक्ष सुनील उगले यांनी प्रत्येकी एक हजार रुपयाचे बक्षीस दोन्ही गटातील स्पर्धकांना दिले. संस्थेचे चेअरमन मा. सुशीलकुमार जी कासलीवाल यांनी सर्व विजेत्या स्पर्धकांचे अभिनंदन केले
तसेच उपाध्यक्ष सुशील कासलीवाल, सचिव विजय चोपडा, प्रशासक प्रकाश गुप्ता ,सहसचिव प्रमिला ताई कासलीवाल, विश्वस्त रिखबचंद कासलीवाल,जुगलकिशोर अग्रवाल, महेंद्र चांदिवाल, आनंद कासलीवाल,दिलीप पारख, प्रिन्सिपॉल मनी चावला मुख्याध्यापक गोरख डफाळ तसेच प्राथमिक विद्यालयाचे मुख्याध्यापक विशाल सावंत यांनी देखील सर्व विजेत्या स्पर्धकांचे अभिनंदन केले. याप्रसंगी शाळेचे मुख्याध्यापक गोरख डफाळ , विशाल सावंत,शालेय व्यवस्थापन समितीचे उपाध्यक्ष सुनील उगले,संजय त्रिभुवन तसेच शिक्षक व शिक्षकेतर कर्मचारी उपस्थित होते.या कार्यक्रमाचे सूत्रसंचालन संदीप आहेर यांनी तर संजय शिवदे यांनी आभार व्यक्त केले.
0 Comments