जातेगाव ग्रामपालिकेवर यासाठी महिलांचा मोर्चा

 Team --aavaj marathi

K.k.महाले यांचे कडून

नांदगाव तालुक्यातील जातेगाव ग्रामपालिकेवर भिल्ल समाजाच्या एकलव्य महिला संघटनेच्या वतीने समाजाच्या सामाजिक सभागृहासाठी ग्रामपालिकेच्या मालकीची गावठाण हद्दीत जागा उपलब्ध करून देणे. व सामाजिक सभागृह मंजूर करणे यासाठी शुक्रवार दि. ९ रोजी मोर्चा काढण्यात आला होता, यावेळी सर्व महिलांच्या वतीने सीताबाई सोनवणे, जिजाबाई पवार आणि महिलांनी जातेगाव येथे भिल्ल समाजाची मोठ्या प्रमाणावर संख्या असून येथील सर्व समाज बांधव गरिबांच्या रेषेखालील आहेत त्यांना वयक्तीक किंवा समाजाचा काही सामाजिक कार्यक्रम  असल्यास सामाजिक सभागृह नसल्याने मोठी समस्या निर्माण होते. 

त्यामुळे एकलव्य भिल्ल समाजास सामाजिक सभागृह मंजूर करण्यात यावे जेणेकरून समाजातील नागरिकांना स्वतःचे हक्काचे वयक्तीक, सामाजिक कार्यक्रम चांगल्याप्रकारे करता येतील. अशी मागणी केली. यावेळी ग्रामविकास अधिकारी सतीश शिंदे आणि पदाधिकारी व या प्रभागाचे ग्रामपालिकेच्या सदस्या सौ. कल्पना गायकवाड, सामाजिक कार्यकर्ते संतोष गायकवाड आणि नागरिक उपस्थित होते. 

याबाबत  ग्रामविकास अधिकारी सतीश शिंदे यांनी एकलव्य भिल्ल समाज बांधव व महिला मंडळाने सामाजिक सभागृहासाठी ग्रामपालिकेकडे जागेची मागणी केली असून त्यांनी दिलेल्या अर्जाची प्रत ग्रामपालिकेच्या पदाधिकार्यांच्या मासिक बैठकीत ठेवण्यात येणार असून त्यांच्या मागणीबाबत सकारात्मक विचार विचार करण्यात येईल असे सांगितले.