उमरखेड तालुक्यातील अतिवृष्टी व पुरामुळे शेतकऱ्यांचे मोठ्या प्रमाणात नुकसान झाले. शेतातील पिके वाहून गेली, जनावरांसाठी चारा- अन्नटंचाई निर्माण झाली. आणि अनेक कुटुंबांवर उपजीविकेचा प्रश्न उभा राहिला आहे. या संकटग्रस्त बांधवांच्या मदतीसाठी उमरखेड तालुका दैनिक वृत्तपत्र वार्ताहर संघाने पुढाकार घेत मानवतेचे सुंदर उदाहरण घालून दिले आहे. आज बुधवार दि. ८ रोजी तहसील कार्यालयात आयोजित छोटेखानी कार्यक्रमात वार्ताहर संघाच्या वतीने मुख्यमंत्री सहाय्यता निधीसाठी २१ हजार रुपयांचा धनादेश उमरखेड चे तहसीलदार राजेंद्र सुरडकर यांच्या स्वाधीन करण्यात आला.
या वेळी संघाचे अध्यक्ष डॉक्टर विशाल माने, सचिव शैलेश ताजवे यांनी सांगितले की, “शेतकरी म्हणजे आपल्या देशाचा पोशिंदा आहे. पुरामुळे बाधित झालेल्या या जगाच्या पोशिंद्यांना आपुलकीचा हात देणे ही आपली सामाजिक जबाबदारी आहे. आम्ही दिलेली ही मदत ही फुल नव्हे, तर फुलाची एक पाकळी आहे.
या प्रसंगी वार्ताहर संघाचे उपाध्यक्ष अजय कानडे , कार्याध्यक्ष अझरउल्ला खान ,कोषाध्यक्ष निळकंठ धोबे, प्रसिद्धी प्रमुख गजानन भारती यांच्या सह संघाचे सदस्य वसंतराव देशमुख ,प्रशांत भागवत, अरविंद ओझलवार, लक्ष्मीकांत नंदनवार, साहेबराव धात्रक, व्यंकटेश पेन्शनवार, अविनाश मुन्नारवार, अंकुश पानपट्टे, ताहेर मिर्झा, अरुण बेले, रवी भोयर, भीमराव नगारे, डॉ. शिवचरण हिंगमिरे , संजय देशमुख, संतोष कलाने, सलमान खान सह आदी पत्रकार बांधव उपस्थित होते.
0 Comments