मुस्कान शेख ची गोळा फेक स्पर्धेत नाशिक विभागात तिसरा क्रमांक पटकावत कांस्यपदकाला गवसणी

Bay- team aavaj marathi 

नांदगाव तालुक्यातील जातेगाव येथील कु.मुस्कान मोयुद्दीन शेख (वय १८) हीने नाशिक येथे नुकत्याच झालेल्या विभागीय गोळा फेक स्पर्धेत तिसरा क्रमांक पटकावत कांस्यपदकाला गवसणी घातली.

कु. मुस्कान शेख जातेगाव 

सविस्तर वृत्त असे की, नाशिक मिनाताई ठाकरे स्टेडियम येथे नुकत्याच झालेल्या विभागीय गोळा फेक स्पर्धेत श्री संत सेवालाल महाराज सेवाभावी संस्था संचलित व्हि. एन. नाईक कनिष्ठ महाविद्यालयाची विद्यार्थिनी कु.मुस्कान शेख ८.१४ मिटर अंतरावर ४.५ किलो वजनाच्या गोळा फेक स्पर्धेत तिसरा क्रमांक पटकावत, कांस्यपदकाला गवसणी घातली या प्रसंगी स्टेडियम मध्ये मोठ्या संख्येने प्रेक्षक उपस्थित होते.

 कु.मुस्कान ही शेतकरी परिवारातील असुन शाळेचा अभ्यास व आई वडिलांना शेतात मदत करुन तीने गोळा फेकण्याचा सराव करत नाशिक येथे झालेल्या विभागीय स्पर्धेपर्यंत मजल मारली. त्या अगोदर तीने शाळेच्या वतीने नांदगाव येथे सप्टेंबर महिन्यात घेण्यात आलेल्या स्पर्धेत पहिला क्रमांक पटकावला होता. व आक्टोबर महिन्यात नाशिक येथे जिल्हा स्तरावर झालेल्या गोळा फेक स्पर्धेत दुसरा पटकाविला होता. त्यानंतर नोव्हेंबर महिन्यात नाशिक येथे विभागीय स्तरावरील गोळा फेक स्पर्धेत तिसरा क्रमांक पटकावत कांस्यपदकाला गवसणी घातली.

कु वैष्णवी घरमोडे जातेगाव 

तसेच याच विद्यालयाच्या वतीने तालुका स्तरावरील धावण्याच्या स्पर्धेत १२ मध्ये शिक्षण घेत असलेल्या कु. वैष्णवी राजेंद्र घरमोडे (वय १८) रा. जातेगाव झालेल्या दोनशे मीटर धावण्याच्या स्पर्धेत पहिला क्रमांक पटकावला. या बाबत कु.मुस्कान आणि कु. वैष्णवी यांना विचारले असता त्यांनी विद्यालयाचे क्रीडा शिक्षक के एस ठाणगे यांचे अनमोल मार्गदर्शन लाभले असल्याचे त्यांनी सांगितले.

वरील दोघींच्या खेळातील यशाबद्दल आ सुहास अण्णा कांदे, सामाजिक कार्यकर्त्या सौ.अंजुमन ताई कांदे, बाजार समितीचे माजी सभापती अर्जुन (बंडू) पाटील आणि सामाजिक, राजकीय क्षेत्रातील मान्यवर आणि या यशाबद्दल तिचे श्री संत सेवालाल महाराज सेवाभावी संस्थेचे संस्थापक अध्यक्ष एस.जी. राठोड, मार्गदर्शक जे.जी.राठोड, सचिव एस. एस. राठोड सर्व संचालक मंडळ विद्यालयाचे प्राचार्य उपप्राचार्य मुख्याध्यापक उप मुख्याध्यापक सर्व शिक्षक व शिक्षकेतर कर्मचारी यांनी अभिनंदन केले व पुढील वाटचालीस शुभेच्छा दिल्या.