नाशिक जिल्ह्यातील नांदगाव तालुक्यातील जातेगाव पासून उत्तरेस सातपुडा पर्वत रांगेतील डोंगराच्या शिखरावर असलेल्या श्री पिनाकेश्वर महादेवाच्या डोंगरावरील ट्रस्टच्या सर्वसाधारण सभेत विविध विकास कामांवर चर्चा करून मंजूर करण्यात आले.
या बाबत सविस्तर वृत्त असे की, जिल्ह्यातील त्र्यंबकेश्वर नंतर दुसऱ्या नंबरचे सर्वात मोठे असलेल्या श्री संत जनार्दन स्वामी मौनगिरिजी महाराज संस्कारित श्री पिनाकेश्वर मंदीर महादेवाचे डोंगरावरील ट्रस्टची दि.९ नोव्हेंबर रोजी ११.३० वाजता सुरुवात झाली. सुरुवातीला काही सदस्यांनी आर्थिक जमा व खर्च च्या विषयावर चर्चा करून मंजूर करण्यास आक्षेप घेतल्याने ट्रस्टचे अध्यक्ष अर्जुन (बंडू) पाटील यांनी सर्वसाधारण सभा तहकूब केली.
त्यानंतर सभेच्या ठरलेल्या ठिकाणीच पुन्हा दोन तासांनी संस्थेच्या नियमानुसार सभासदांचा कोरम पुर्ण झाल्यानंतर सर्वसाधारण सभेला सुरुवात झाल्यानंतर यात आर्थिक जमा व खर्च च्या विषयावर चर्चा करून मंजूरी देण्यात आली. तसेच देवस्थानाचे ठिकाणी नियोजित विविध विकास कामांवर चर्चा करून मंजूरी देण्यात आली. याप्रसंगी संस्थेचे सचिव बाबासाहेब चव्हाण, कोषाध्यक्ष रामदास चव्हाण आणि संस्थेचे सभासद उपस्थित होते. असे अधिकृत पत्र प्रसिद्ध करण्यासाठी संस्थेचे सचिव बाबासाहेब चव्हाण यांनी दिले.
0 Comments