सौ. कमलाबाई माणिकचंद कासलीवाल प्राथमिक विद्यालयात दिनांक १४ नोव्हेंबर शुक्रवार रोजी भारताचे पहिले पंतप्रधान पंडित जवाहरलाल नेहरू यांच्या जयंतीनिमित्त साजऱ्या करण्यात येणाऱ्या बालदिन उत्सवाने शाळा प्रांगण रंगून गेले. चिमुकल्या हास्य फुलांनी भरलेला हा दिवस खऱ्या अर्थाने ‘बालपणाचा सण’ ठरला.
कार्यक्रमाची सुरुवात बुद्धीची अधिष्ठात्री देवी सरस्वती यांच्या पूजनाने झाली. त्यानंतर नेहरूंच्या प्रतिमेला अभिवादन करून त्यांच्या कार्याचा, त्यांच्या बालप्रेमाचा विद्यार्थ्यांना स्मरण करून देण्यात आला. मुख्याध्यापक श्री. विशाल सावंत यांनी बालदिनाचे महत्त्व व नेहरूंच्या कार्याची प्रेरणादायी ओळख मुलांना अतिशय सुलभ व नेमक्या शब्दांत दिली.
यानंतर सारा माहोल रंगला तो सांस्कृतिक उत्सवाने विद्यार्थ्यांच्या नृत्याविष्कारांनी प्रेक्षकांची मने जिंकली. शालेय पोषण आहार योजनेअंतर्गत चिमुकल्यांसाठी सोयाबीन चिलीचे वितरण करण्यात आले. मुलांसाठी आयोजित करण्यात आलेले खेळ म्हणजे जणू धमाल-पट्टीचा मेळावा ॲक्शन गेम, मकडी चाल, बॉटल रेस, मस्तीचा भडका, धमाल धमाका अशा खेळांमध्ये मुलांनी अक्षरशः जल्लोष केला. शाळेच्या मैदानावर उमटलेला आनंदाचा कोलाहल पाहून जणू सौ. कमलाबाई विद्यालय ‘चिमुकल्या राज्यात’ परिवर्तित झाले होते.कार्यक्रमाचे सुबक सूत्रसंचालन श्रीमती वैशाली शिंदे यांनी केले तर सुसंवादी आभार प्रदर्शन श्री. सिद्धार्थ जगताप यांनी मानले.
बालदिनानिमित्त विद्यार्थ्यांना संस्थेचे चेअरमन माननीय श्री. सुनीलकुमार कासलीवाल, उपाध्यक्ष सुशील कासलीवाल, सचिव विजय चोपडा, प्रशासक प्रकाश गुप्ता सर, सहसचिव प्रमिला कासलीवाल, विश्वस्त रिखबचंद कासलीवाल, जुगलकिशोर अग्रवाल, महेंद्र चांदिवाल, आनंद कासलीवाल, मुख्याध्यापक श्री. विशाल सावंत, तसेच सर्व शिक्षक व शिक्षकेतर कर्मचारी यांनी हार्दिक शुभेच्छा दिल्या.
या उपक्रमाच्या यशासाठी श्री. सिद्धार्थ जगताप, अभिजीत थोरात, तुषार जेजुरकर, श्रीमती धन्वंतरी देवरे, निलोफर पठाण, वैशाली शिंदे, जयश्री पाटील, निशिगंधा शेंडगे, जयश्री कुमावत, अर्चना बोरसे, पूनम खोंडे, मीना सुरळकर, शालिनी निकम, निकिता देशमुख यांनी परिश्रमाचे सोने केले.
0 Comments