या विद्यालयात वाचन प्रेरणा दिनाचे आयोजन! डॉ. कलामांच्या विचारांनी विद्यार्थी प्रेरित..📚✍️📖

 Bay- team aavaj marathi 

सिताराम पिंगळे सर पत्रकार नांदगाव (नाशिक)

मविप्र संचलित न्यू इंग्लिश स्कूल नांदगाव विद्यालयात डॉ. ए. पी.जे. अब्दुल कलाम यांच्या जयंती निमित्ताने 'वाचन प्रेरणा दिन' उत्साहात साजरा करण्यात आला. याप्रसंगी डॉ. कलाम यांच्या प्रतिमेचे पूजन मुख्याध्यापिका ज्योती काळे, उपमुख्याध्यापक दिपक चव्हाण,पर्यवेक्षक अविनाश शेवाळे व उपस्थितांच्या हस्ते करण्यात आले.

विद्यालयाच्या मुख्याध्यापिका ज्योती काळे यांनी विद्यार्थ्यांना संबोधित करताना म्हणाल्या की, डॉ. कलाम हे एक प्रसिद्ध वैज्ञानिक, लेखक आणि शिक्षणतज्ञ होते. त्यांच्या कार्यातून त्यांनी नेहमी युवा पिढीला प्रेरित केले. त्यांचे वाचनावर आणि ज्ञानार्जनावर खूप प्रेम होते. म्हणूनच त्यांचा जन्मदिन 'वाचन प्रेरणा दिन' हा समाजात वाचनाची आवड निर्माण व्हावी या उद्देशाने साजरा केला जातो.   

 डॉ. कलाम हे भारताचे ११ वे राष्ट्रपती होते. त्यांनी आपल्या प्रतिभावंत नेतृत्वाने आणि उत्सुंग कर्तुत्वाने भारतीय अवकाश संशोधन क्षेत्र , क्षेपणास्त्र विकास प्रगतीला 'अग्निपंख' दिलं. त्यांच्या या महान कार्यामुळे भारत सरकारने त्यांना 'भारतरत्न' या सर्वोच्च पुरस्काराने सन्मानित केले होते. त्यांनी वाचन संस्कृती जपण्याचे विद्यार्थ्यांना आव्हान केले.

याप्रसंगी विद्यालयातील विद्यार्थ्यांनी सामूहिक वाचन केले. विद्यालयातील सर्व शिक्षक ,शिक्षिका, शिक्षकेत्तर कर्मचारी तसेच विद्यार्थी उपस्थित होते.

*फोटो ओळ* - *मविप्र संचलित न्यू इंग्लिश स्कूल नांदगाव विद्यालयात डॉ. ए. पी. जे. अब्दुल कलाम यांच्या प्रतिमेचे पूजन करताना मुख्याध्यापिका ज्योती काळे उपमुख्याध्यापक दिपक चव्हाण पर्यवेक्षक अविनाश शेवाळे व सेवकवृंद*

 

(*छायांकन - संदेश थोरात*)