होरायझन अकॅडमीत पंडित जवाहरलाल नेहरू यांच्या जयंती निमित्त बालदिन उत्साहात साजरा

 Bay- team aavaj marathi 

सिताराम पिंगळे सर पत्रकार मांडवड नांदगाव (नाशिक)

मराठा विद्या प्रसारक समाजाचे होरायझन अकॅडमी नांदगाव शाळेत १४ नोव्हेंबर रोजी देशाचे पाहिले पंतप्रधान पंडित जवाहरलाल नेहरू यांची जयंती उत्साहात साजरी करण्यात आली.या निमित्त शाळेत विशेष कार्यक्रमाचे आयोजन करण्यात आले होते. कार्यक्रमाची सुरुवात माता सरस्वती व पंडित जवाहरलाल नेहरू यांच्या प्रतिमापूजन करून करण्यात आली.कार्यक्रमाच्या अध्यक्षस्थानी शाळेच्या प्राचार्या श्रीमती. पुनम डी. मढे या होत्या, शरयू आहेर,सोनाली खैरनार व्यासपिठावर उपस्थित होत्या.

या वेळी सांस्कृतिक कार्यक्रमाचे आयोजन करण्यात आले होते.तसेच भाषण,नृत्य व वेशभूषा स्पर्धेचे आयोजन करण्यात आले होते. त्यात इयत्ता पहिली ते सहावी च्या विद्यार्थ्यांनी सहभाग घेतला होता. या वेळी विद्यार्थ्यांनी बालदिनानिमित्त भाषणे केली. तसेच शालेय प्राचार्या पुनम डी मढे यांनी आपल्या भाषणात नेहरुजी यांच्या बाल प्रेमाविषयी माहिती सांगितली. विद्यार्थ्यांना मूल्यशिक्षण, नेतृत्व,स्वच्छ्ता आणि पर्यावरण संरक्षण याचे महत्व पटून सांगितले. बालहक्क, बालसुरक्षा, शैक्षणिक हक्क आदी विषयावर शालेय शिक्षिका सिद्धी देशपांडे यांनी माहिती दिली. कार्यक्रमाच्या परीक्षक म्हणून श्रीमती अनुराधा खांडेकर,शालिनी गोयल यांनी काम बघितले.

कार्यक्रमास मराठा विद्या प्रसारक समाज संस्थेचे नांदगाव तालुका संचालक इंजि. अमित भाऊ बोरसे पाटील यांनी शुभेच्छा दिल्या. कार्यक्रमाचे नियोजन शालेय शिक्षिका अलका बिन्नर यांच्या सह शालेय शिक्षक,शिक्षिका,शिक्षकेत्तर कर्मचारी यांनी परिश्रम घेतले. कार्यक्रमाचे सूत्रसंचालन इयत्ता सहावी चे विद्यार्थी सोहम महाजन, सौम्या ठोंबरे यांनी केले. या वेळी मुलांमध्ये प्रचंड आनंद आणि उत्साहाचे वातावरण बघावयास मिळाले.