अपवाद वगळता विकासापासून वंचित जातेगाव गट

Bay- team aavaj marathi 

स्पेशल रिपोर्ट - अरुण हिंगमिरे संपादक आवाज मराठी न्यूज नेटवर्क नांदगाव नाशिक 

नांदगाव तालुक्यात जिल्हा परिषद गट हा विकासापासून वंचित असून सन २०१७ पुर्वी तालुक्यात तीन जिल्हा परिषद गट आणि सहा पंचायत समिती गण होते. त्यानंतर वाढती लोकसंख्या लक्षात घेता सन २०१७ मध्ये आणखी एक जातेगाव जिल्हा परिषद गटाची निर्मिती झाल्यानंतर चार जिल्हा परिषद गट आणि आठ गण निर्माण झाले. त्यात जातेगाव गटात पंचवीस गावे आहेत. यामध्ये पुरुष मतदार संख्या २०३३१ आणि महिला मतदार संख्या १७९४९ अशी एकूण मतदार संख्या ३८ हजार २८० आहे. 

त्यापैकी जातेगाव गणात--रोहिले,बोलठाण,जवळकी, जातेगाव, वसंत नगर एक व दोन, लोढरे ढेकू खु आणि बु , चंदणपूरी, कुसूमतेल आणि गोंडेगाव व मांडवड गणात -- कासारी पोही कसाबखेडा, टाकळी बु व खु, बाणगाव खु आणि बु, खिर्डी, भौरी, मोरझर वडाळी खु आणि बु, सोयगाव,मांडवड आझादनगर, व लक्ष्मीनगर हे गावे आहेत.

जिल्ह्याचे शेवटचे गाव असलेल्या अनुक्रम नंबर ४३ मिळालेल्या जातेगाव या नवीन जिल्हा परिषदेच्या सन २०१७ मध्ये एस सी महिला आरक्षण निघाले होते त्यात सौ सुनिता ताई मच्छिंद्र पठाडे ह्या शिवसेनेच्या धनुष्य बाण या निशाणी वर भरघोस मताधिक्याने विजयी झाल्या होत्या. तर पं स गण क्रमांक ८६ या पंचायत समितीच्या जातेगाव गणात भाजपच्या सौ. मधुबाला रावसाहेब खिरडकर ह्या विजयी झाल्या होत्या. त्यांनी नंतर आ. सुहास अण्णा कांदे यांच्या नेतृत्वाखाली शिवसेनेत प्रवेश केल्यानंतर पंचायत समिती सदस्य पदाच्या शेवटच्या टप्प्यात सौ. खिरडकर यांची सन २०२२- २३ मध्ये उपसभापती पदी वर्णी लागली होती. यावेळी मात्र जातेगाव गण हा सर्वसाधारण खुल्या प्रवर्गासाठी राखीव झाल्याने या गणात उमेदवारीसाठी चुरस निर्माण होणार असल्याचे संकेत दिसून येत आहे.

मागील निवडणुकीत तर नवीनच निर्माण झालेल्या अनु . क्र.८५ या मांडवड गणात कै.भाऊसाहेब विठ्ठल हिरे यांनी इतर मागासवर्गीय जागेवर शिवसेनेच्या कोट्यातून धनुष्य बाण या निशाणी वर निवडणूक जिंकुन प्रतिनिधित्व केले होते. त्यांना आ. कांदे यांनी सदस्य पदाच्या शेवटच्या टप्प्यात पंचायत समितीच्या सभापती पदी वर्णी लावली होती. यावेळी मात्र हा गण नागरिकांच्या मागास प्रवर्गासाठी आरक्षित झाला आहे. दि. १३ आक्टोबर रोजी नांदगाव तहसील कार्यालयात निवडणूक निर्णय अधिकारी अभिजित नाईक, सहायक निवडणूक निर्णय अधिकारी तथा तहसीलदार सुनील सैंदाणे यांच्या उपस्थितीत आरक्षण सोडत काढण्यात आली होती. यात जातेगाव गण केवळ सर्वसाधारण असल्याने तेथे चुरस निर्माण होऊ शकते. एकंदरीत आ.सुहास अण्णा कांदे यांनी तालुक्यातील सर्वच राजकीय विरोधक सोबत घेतलेले असल्याने तालुक्यात जिल्हा परिषद व पंचायत समितीचे निवडणूकीसाठी दोन्ही राष्ट्रवादी काँग्रेस, उबाठा, मनसे एकत्र येवू शकतात अशी चर्चा आहे.

प्रामुख्याने जातेगाव जिल्हा परिषद गटाचे आरक्षण सर्वसाधारण महिला प्रवर्गासाठी आरक्षित निघाल्याने या गटावर शिवसेनेचे जेष्ठ नेते बापूसाहेब कवडे यांचा वरचष्मा असल्याने त्यांच्या परिसरातील जिल्हा परिषदेच्या जागेसाठी जवळपास शिवसेनेकडून त्यांचीच उमेदवारी निश्चित झाली असल्याची खात्री लायक चर्चा सुरू आहे. त्यामुळे आ.सुहास अण्णा कांदे बापूसाहेब कवडे आणि बाजार समितीचे माजी सभापती अर्जुन (बंडू) पाटील हे पंचायत समितीसाठी कोणाला उमेदवारी देतात याकडे सर्वांचे लक्ष लागून आहे.

जातेगांव पंचायत समिती गण हा २०१७ पुर्वी न्यायडोंगरी जिल्हा परिषद गटात होता, न्यायडोंगरी जि प गटावर पुर्वीपासून कॉग्रेस पक्षाच्या आहेर घराण्याचा दबदबा आहे. मात्र जातेगाव पं स. गणातील सर्वच गावे विकासापासून कोसो दूर राहिले.२०१७ मध्ये राष्ट्रवादी काँग्रेसचे पंकज भुजबळ हे आमदार असताना शिवसेना पक्षाचे त्यावेळी जिल्हा अध्यक्ष असलेले सुहास अण्णा कांदे यांनी आपल्या दांडग्या जनसंपर्काच्या जोरावर पंचायत समितीवर भगवा झेंडा फडकला होता.

होवू घातलेल्या निवडणूकीत जि प साठी गट इच्छुक उमेदवार -सौ. शोभाताई कवडे(शिवसेना) आणि अर्चनाताई सानप, उज्वला ताई चव्हाण राष्ट्रवादी काँग्रेस A p

जातेगाव गणासाठी - अर्जुन (बंडू) पाटील,अमित नहार, दत्तात्रय निकम, रफिक पठाण, गुलाब चव्हाण (शिवसेना)

 अरुण निकम, विजय चव्हाण, दादाभाऊ जाधव, कचरु सरोवर, नारायण पवार राष्ट्रवादी काँग्रेस Ap

मांडवड गणासाठी- सुबोध थेठे, दिगंबर सोनवणे, विठ्ठल आहेर, सागर आहेर, विशाल वडघुले 

सन २०१७ नंतर गट आणि गुणांमध्ये झालेले विकास कामे.
आ. सुहास अण्णा कांदे हे विकास पुरुष असून त्यांच्या कार्यकाळात तालुक्यात मोठ्या प्रमाणात विकास कामे झाली असून अनेक कामे प्रस्तावित आहेत. प्रत्येक गावात सामाजिक सभागृह, गाव अंतर्गत लहान मोठे सिमेंट रस्त्याचे काम, भुमीगत गटारी गटातील गावालगत असलेल्या लहान मोठ्या नद्या आणि नाल्यांवर सिमेंट बंधारे पिण्याच्या पाण्यासाठी काही गावांमध्ये जल जीवन मिशन अंतर्गत पाणी पुरवठा योजना इत्यादी विकास कामे झाली आहेत.

जातेगाव येथील श्री पिनाकेश्वर महादेवाचे मंदिर असून हे देवस्थान पर्यटन विकास महामंडळाचे ड वर्गात आहे येथे लाखो भाविक आणि वन पर्यटक येतात. त्यांना मुलभूत सुविधा नाहीत तरी सिंहस्थ कुंभमेळा विकास कामांमध्ये येथील विकास कामांचा समावेश करण्यात यावा.

संतोष शेट गायकवाड सामाजिक कार्यकर्ते जातेगाव (नांदगाव) 

हे रखडलेले दुर्लक्षीत विकास कामे होणे गरजेचे आहे 

कासारी गावाजवळील चांदेश्वरी या अवघड वळणाच्या घाटातील रस्त्याची झालेली दुरवस्था, या घाटात दोनशे ते आठशे फुटांपर्यंत रस्त्यालगत खोल दर्या असून अनेक वर्षांपासून नागरिकांनी मागणी करुन सुध्दा मजबूत संरक्षण भिंत बांधण्यात आली नसल्याने अपघातात अनेक निष्पाप नागरिकांचा मृत्यू झाला आहे. बोलठाण येथे सध्या प्राथमिक आरोग्य केंद्र असून  ग्रामीण रुग्णालय होणे गरजेचे आहे. गटामध्ये जवळपास सर्वच ठिकाणचे रस्ते दळणवळणासाठी खराब झाले आहेत, ते तातडीने नवीन करणे गरजेचे आहे. जि प प्राथमिक शाळेत विद्यार्थी संख्या भरपूर असून शिक्षक संख्या त्या प्रमाणात कमी असल्याने विद्यार्थ्यांचे शैक्षणिक नुकसान होत आहे. प्रत्येक गावात बस स्थानक मोडकळीस आले आहेत तरी उत्तम दर्जाचे बस स्थानक आवश्यक आहे.घाटमाथा परिसर हा जळगाव आणि छत्रपती संभाजी नगर जिल्ह्याच्या हद्दीलगत आहे. बोलठाण येथे पोलिस ठाण्याची मोठी जागा आहे. परंतु इमारत नाही, तेथे उपनिरीक्षक दर्जाचे अधिकारी पोलिस हवालदार आणि पोलिसांची संख्या वाढविण्यात यावी.

सौ. ज्योती निकम पा. लोकनियुक्त सरपंच लोढरे ग्रामपंचायत (नांदगाव)