नांदगाव येथील विद्यालयात 'संविधान सन्मान दिन' साजरा; विद्यार्थ्यांमध्ये राष्ट्रीय मूल्याची जोपासना.

 Bay- team aavaj marathi 

 नांदगाव येथील मविप्र संचलित न्यू इंग्लिश स्कूल विद्यालयात भारतीय संविधान दिनाच्या निमित्ताने भारतीय राज्यघटनेचे शिल्पकार डॉ बाबासाहेब आंबेडकर व राज्यघटनेच्या उद्देशिकेचे प्रतिमांचे पूजन मुख्याध्यापिका ज्योती काळे उप मुख्याध्यापक दिपक चव्हाण पर्यवेक्षक अविनाश शेवाळे व उपस्थितांच्या हस्ते करण्यात आली.

 याप्रसंगी २६:११ मुंबई दहशतवादी हल्ल्यात शहीद जवानांना उपस्थितांच्या हस्ते श्रद्धांजली वाहण्यात आली.
उपशिक्षक बाळासाहेब कवडे यांनी विद्यार्थ्यांना मार्गदर्शन करताना म्हणाले की, भारताचे संविधान हा भारताचा सर्वोच्च कायदा आहे. देशाचे शासन आणि प्रशासन यानुसार चालते. संविधान तयार करण्यासाठी संविधान सभेला २ वर्ष, ११ महिने आणि १८ दिवस लागले.

  भारतीय संविधानाचा स्वीकार २६ नोव्हेंबर १९४९ रोजी औपचारिकरित्या स्विकारले गेले. त्यामुळे आजचा दिवस संविधान दिवस म्हणून साजरा केला जातो. परंतु हे संविधान २६ जानेवारी १९५० पासून लागू झाले. संविधानाची मूळ रचना एक प्रस्तावना,३९५अनुच्छेद कलमे,आणि ८ अनुसूचि ही होती. संविधानानुसार शासनाची अंतिम सत्ता जनतेच्या हातात आहे.

 मुख्याध्यापिका ज्योती काळे यांनी सांगितले की, भारताचा संविधानामुळे नागरिकांना समानतेचा, स्वातंत्र्याचा, शोषणांविरुद्ध, धर्म स्वातंत्र्याचा, सांस्कृतिक व शैक्षणिक आणि घटनात्मक उपायांचा अधिकार मिळतो. संविधामुळेच देशात अखंडता, समता आणि विकास शक्य आहे. याप्रसंगी विद्यालयातील सर्व शिक्षक, शिक्षिका व शिक्षकेतर कर्मचारी तसेच विद्यार्थी उपस्थित होते. या कार्यक्रमाचे सूत्रसंचालन सांस्कृतिक समिती प्रमुख शरद आहेर यांनी केले.

फोटो ओळ - मविप्र संचलित न्यू इंग्लिश स्कूल नांदगाव विद्यालयात संविधान दिनानिमित्त भारतीय राज्यघटनेचे जनक डॉ बाबासाहेब आंबेडकर व राज्यघटनेच्या उद्देशिकेचे प्रतिमांचे पूजन तसेच २६:११ मुंबई दहशतवादी हल्ल्यात शहीद जवानांना विनम्र अभिवादन करताना मुख्याध्यापिका ज्योती काळे, उपमुख्याध्यापक दिपक चव्हाण, पर्यवेक्षक अविनाश शेवाळे व शिक्षक वृंद.