Bay- team aavaj marathi
लिंगायत समाजाची अनेक वर्षांपासून इतर मागासवर्गीय घटकांत समाविष्ट करणे बाबत असलेल्या मागणीचा विचार करून राज्य मागासवर्ग आयोगाने लिंगायत समाजातील सर्व जाती पोटजाती ह्या इतर मागासवर्गीय घटकांत समाविष्ट करणेबाबत शिफारस केली असून येत्या काही दिवसांत लिंगायत समाजातील सर्व जातींचा इतर मागासवर्गीय घटकांत समावेश होणार असे प्रतिपादन राज्याचे अन्न व नागरी पुरवठा मंत्री श्री. छगनराव भुजबळ यांनी शुक्रवार दि.२२ रोजी जागर लिंगायत प्रतिष्ठानच्या वतीने आयोजित कार्यक्रमाचे प्रमुख पाहुणे म्हणून उपस्थित असताना मार्गदर्शन करताना केले. यावेळी व्यासपीठावर समाजातील प्रमुख मान्यवर उपस्थित होते.
ना. भुजबळ पुढे म्हणाले की, होवू घातलेल्या जात जनगणनेच्या वेळी समाजातील जाणकारांनी पुढाकार घेऊन जनजागृती करावी, आपल्या समाजातील सर्व पोटजातितील समाज बांधवासोबत रोटी बेटी व्यवहार सुरू ठेवा, एकत्र आले तरच फायदा होईल,भेदभाव करू नका असे आवाहन त्यांनी केले.
ह्या कार्यक्रमाचे अध्यक्षस्थानी जेष्ठ पत्रकार प्रकाश साबरे हे होते. कार्यक्रमाची सुरुवात महात्मा बसवेश्वर, छत्रपती शिवाजी महाराज महात्मा जोतिबा फुले डॉ बाबासाहेब आंबेडकर यांच्या पुतळ्याचे पूजन करून पुष्पहार अर्पण करून व मान्यवरांच्या हस्ते दिपप्रज्वलन करून करण्यात आले.
या कार्यक्रमाचे प्रास्तावीक करताना जागर लिंगायत प्रतिष्ठानचे संस्थापक व वीरशैव नागरी पतसंस्थेचे अध्यक्ष श्री बद्रीनाथ जी (नाना) वाळेकर यांनी समाजातील काही रुढी परंपरेनुसार क्लिष्ट असलेल्या विविध धार्मिक विधी काळानुसार बदल करणे आवश्यक असलेबाबत आपले मत व्यक्त केले. त्याचप्रमाणे महिला नेत्या सौ. प्रेरणा बलकवडे यांनी महिला सक्षमीकरण या विषयावर तर, कैलास आढाव यांनी इतर मागासवर्ग जात प्रमाणपत्र काढणे बाबत मार्गदर्शन केले, तसेच वैभव वाळेकर महात्मा बसवेश्वर महामंडळातर्फे व्यवसाय उभारणीसाठी आर्थिक मदतीबद्दल उपस्थितांना माहिती दिली. या कार्यक्रम प्रसंगी गुणवंत विद्यार्थी, पत्रकार, सामाजिक क्षेत्रात काम करणारे कार्यकर्ते यांचा स्मृती चिन्ह व प्रशस्तीपत्र देऊन सन्मानित करण्यात आले.
याप्रसंगी मवीसभेचे प्रांतीक सदस्य श्री धोंडुनाना हिंगमिरे, शामसुंदर झळके,भिकण आप्पा फत्तरफोडे, अजिंक्य हिंगमिरे, महेश डबे, अंबादास आंधोळकर जगदिश घोडके बाळासाहेब घोडके, अरुण, गोंधळे जील्हा अध्यक्ष अनिल पठाडे,रवींद्र गाडे, सोमनाथ घोंगाणे, लिंगायत संघर्ष समिती चे चंद्रकांत सांबरे व प्रकाश सांबरे व संदिप झारेकर, वीरशैव पतसंस्थेचे मनोहर गोंधळे, ननुशेठ नगरकर, वैभव वाळेकर, शिवा वीरशैव संघटनेचे श्री अनिल कोठुळे, प्रा.प्रमोद हिंगमिरे आदी मान्यवरांसह मोठ्या संख्येने लिंगायत समाज बांधव उपस्थीत होते. 
या कार्यक्रमाचे सूत्रसंचालन डाॅ. संदेश हिंगमिरे, अंबादास आंधोळर, संदेश हिंगमिरे व महेश डबे यांनी केले.तर उपस्थितांचे आभार अजिंक्य हिंगमीरे व वैभव वाळेकर यांनी मानले.
यावेळी मनोगत व्यक्त करताना की समाजातील तळागाळातील समाज बांधवांना वेळोवेळी मार्गदर्शन करण्यासाठी असे सामाजिक उपक्रम करणे आवश्यक असल्याचे धोंडू शेठ हिंगमिरे यांनी म्हटले
0 Comments