सोमवार दी. १२ फेब्रुवारी रोजी एक मादी जातीचे माकड गावकऱ्यांच्या निदर्शनास आले ते आजारी असल्याचे लोकांच्या लक्षात आल्याने, गावकऱ्यांनी तात्काळ वन्य पशू पक्षी संरक्षण सामाजिक संस्थेचे सर्पमित्र, प्राणीमित्र सोमनाथ येवले यांना माहिती दिली.
सर्पमित्र सोमनाथ येवले तात्काळ घटनास्थळी दाखल झाले असता असे लक्षात आले की ती माकडीन प्रेग्नेंट आहे आणि पिल्लाला जन्म देत आहे.मात्र ती खूप अशक्त होती पिल्लाला लवकर जन्म न देऊ शकल्याने पिल्लाचा जन्माला येण्यापूर्वीते अपूर्ण अवस्थेत फक्त तोंडच योनी मार्गातून बाहेर आलेले असल्याने त्या पिल्लाचा मृत्यू झाला आहे. हे लक्षात येताच सर्पमित्र येवले यांनी गावकऱ्यांच्या मदतीने व वनरक्षक नवनाथ बिन्नर,यांच्या मार्गदर्शनाखाली माकडीनला पकडुन मृत पावलेल्या पिल्लाला बाहेर काढले.
उपस्थित पशुवैद्यकीय अधिकारी डॉ. अमोल जाधव व सचिन ठाकूर यांच्या मदतीने त्या मादी माकडीने वर योग्य ते ऊपचार करून निसर्गमुक्त केले. या वेळी येथील ग्रामस्थ ज्ञानेश्वर बनकर, निलेश चुडीवाल, अतुल व्यवहारे, राज माळे, श्रेयस पवार, बाळाभाऊ, व आणि नागरिक होते.
0 Comments