चाळीसगाव वन विभागाच्या कर्मचाऱ्यांची जोमदार कामगिरी १३ किलो चंदनासह दोन संशयित ताब्यात इतर सहा जनांचा फरार शोध सुरु

 Bay -team aavaj marathi 

 चाळीसगाव तालुक्यातील पाटणा (वन्य जीव) वनक्षेत्रात जंगल भागामध्ये वनरक्षक पाटणा व त्यांचे सहाय्यक रोजंदारी तत्त्वावरील वनसंरक्षण वनमजूर दि १३ रोजी मध्यरात्री गस्त करीत असताना ठीक ठिकाणी दबा धरून पाठलाग केला असता,आठ चंदन तस्कर आरोपी दिसून आले.

त्यांचा पाठलाग केला असता,पिंटू वाल्मीक गिरे वय ४४ वर्ष व शिवराम आबा मेंगाळ वय ३६ वर्षे दोन्ही रा. गुजरदरी ता.चाळीसगाव या दोन आरोपींना पकडण्यात यश आले. तसेच त्यांच्याकडून २ नग कुर्हाड, २ नग लहान करवत, ओला सालीसकट 13 किलो चंदन लाकूड मुद्देमाल सापडला चौकशी अधिकारी श्री. एम. के. रहाटकळ वनक्षेत्रपाल (वन्यजीव विभाग) यांनी सदर दोन्ही चंदन तस्कर आरोपी यांना चाळीसगाव येथील न्यायालयात हजर केले असता, मा. न्यायालयाने आरोपींना पाच दिवसांची वनकोठडी सुनावली.

दरम्यान दि. १६ रोजी चौकशी अधिकारी यांनी अटकेत असलेल्या दोन्ही आरोपीस चाळीसगाव वन्य जीवन परिक्षेत्रातील कर्मचारी यांच्यासह संशयित आरोपीचा शोध घेणे व तपास करणे कामी शोध घेण्यासाठी नांदगाव तालुक्यातील लोढरे (ठाकरवाडी) येथे फरार आरोपी १) मच्छिंद्र विठ्ठल पोकळे, २)भाऊराव लक्ष्मण मेंगाळ,३) सुखदेव गणपत आव्हाळे आणि त्यांचे साथीदार १)धनराज आबा मेंगाळ, २)शिवराम पिंटू गिरे, ३) भाऊराव मच्छिंद्र मेंगाळ, ४)लखन कडूबा मेंगाळ या सर्वांची चौकशी केली असता ते फरार झालेले दिसून आले. दरम्यान अटकेत असलेला आरोपी इसम पिंटू वाल्मीक गिरे यांनी वेळोवेळी गुन्हे कामी वापरलेली त्याची स्वतःची दुचाकी वाहन क्र. एम एच २० सी झेड ९५८९ जप्त करण्यात आली. 

 चंदन वृक्षतोड प्रकरणातील नांदगाव तालुक्यातील लोढरे (ठाकरवाडी) फरार संशयित ३ आरोपी व चाळीसगाव तालुक्यातील गुजरदरी येथील ४ आरोपी असे एकूण ७ आरोपी फरार असून सर्व आरोपींविरुद्ध भारतीय वन अधिनियम आणि जैवविविधता अधिनियम चे कलमा अंतर्गत गुन्हा दाखल करून चाळीसगाव येथील में. न्यायालयात गुन्हा दाखल केला असून अटकेत असलेल्या दोन्ही आरोपींना माननीय न्यायालयात दि. १७ रोजी हजर केले असता त्यांना १४ दिवसांच न्यायालयीन कोठडी सुनावली. सदर प्रकरणात कारवाई दरम्यान दोन आरोपी व मुद्देमाल हस्तगत करण्यात आले. 

कार्यवाही श्री.एम.के.रहाटकळ वनपरिक्षेत्र अधिकारी 
(वन्यजीव विभाग) चाळीसगाव, श्री. गादेचव्हाण वनपाल पाटणा, श्री.डी के.जाधव वनपाल बोढरा, श्री. आर.जी. तडवी वनरक्षक पाटणा,श्री.पी.सी. कुलकर्णी वनरक्षक, श्री.ए.बी.मोरे विशेष वनरक्षक पाटणा, श्री उमेश सोनवणे वनरक्षक पाटणा तपासणी नाका तसेच रोजंदारी तत्त्वावरील संरक्षण मजूर रमेश राठोड, राजाराम चव्हाण, गोरख राठोड, वाल्मीक, संदीप पवार, अशोक, सचिन जाधव, वाहन चालक बापू आगोणे यांनी सहभाग घेतला असून पुढील कारवाई मा.एम.बी.नाईकवाडे विभागीय वन अधिकारी (वन्य जीव) छत्रपती संभाजीनगर, मा.विशाल लोंढे सहा. वनसंरक्षक (वन्यजीव कन्नड विभाग) मा. राजेश ठोंबरे मानद वन्यजीव रक्षक चाळीसगाव यांच्या मार्गदर्शनाखाली श्री एन के रहाटकर(वन्यजीव) वनपरिक्षेत्र अधिकारी व इतर कर्मचारी पुढील तपास करीत आहे