उर्जा मंत्र्यांच्या अध्यक्षतेखाली या दोन तालुक्यातील वीज समस्येवर आज बैठक

 Bay -team aavaj marathi 

Dr. शिवचरण हिंगमिरे पत्रकार उमरखेड (यवतमाळ)

उमरखेड विधानसभा मतदारसंघातील उमरखेड आणि महागाव तालुक्यांत विजेच्या मोठ्या प्रमाणात अनेक समस्या उद्भवत आहेत. त्यामुळे या समस्येवर तोडगा काढण्याच्या दृष्टीने आमदार किसनराव वानखेडे यांनी बैठकीची मागणी केली होती. त्या अनुषंगाने मुंबई येथे बुधवार, ३० जुलै रोजी आढावा बैठक आयोजित करण्यात आली आहे.

या बैठकीचे आयोजन अप्पर ऊर्जा विभागाच्या वतीने करण्यात आले असून, यावेळी ऊर्जा राज्यमंत्री मेघना बोर्डीकर, व्यवस्थापकीय संचालक, मुख्य अभियंता, अधीक्षक अभियंता, कार्यकारी अभियंता आदी अधिकारी उपस्थित राहणार आहे. उमरखेड आणि महागाव तालुक्यात वारंवार वीज खंडित होणे.कमी दाबाच्या वीज पुरवठ्यातील तृटी आणि अनियमितता आदी प्रकार वाढले आहे. यामुळे शेतकरी, व्यापारी, विद्यार्थी व सर्वसामान्य नागरिक कमालीचे हैराण झाले आहेत.

याबाबत सातत्याने शासन स्तरावर पाठपुरावा करूनही कोणतीही कार्यवाही झाली नाही. त्यामुळे आमदार किसनराव वानखेडे यांनी विशेष बैठकीची मागणी केली होती. त्याच अनुषंगाने ही आढावा बैठक आयोजित करण्यात आली आहे. त्यामुळे या भागातील शेतकरी, व्यापारी, विद्यार्थी व सर्वसामान्य नागरिकांच्या आशा पल्लवीत झाल्या आहेत.

Post a Comment

0 Comments