मैत्री दिनानिमित्त पर्यावरणपूरक उपक्रम — झाडांना बांधण्यात आले ‘मैत्री बंध’

 Bay- team aavaj marathi 

सिताराम पिंगळे सर पत्रकार मांडवड नांदगाव (नाशिक)

 मराठा विद्या प्रसारक समाज नाशिक संचलित होरायझन अकॅडमी नांदगाव शाळेत शालेय प्रा. श्रीमती पुनम डी मढे यांच्या मार्गदर्शनाखाली आयोजित दि.५ ऑगस्ट रोजी जगभरात साजऱ्या होणाऱ्या मैत्रीदिनाच्या निमित्ताने यंदा एक आगळावेगळा आणि पर्यावरणाला समर्पित उपक्रम राबवण्यात आला.

या उपक्रमात विद्यार्थ्यांनी झाडांना ‘मैत्री बंध’ बांधून निसर्गाशी आपली मैत्री दृढ करण्याचा संकल्प केला.या उपक्रमात अनेक विद्यार्थ्यांनी सहभाग घेतला आणि झाडांना रंगीत ,रिबन, दोरे व हस्तनिर्मित मैत्री बंध बांधले. माणसाप्रमाणेच झाडांसोबतही मैत्री करावी, कारण ती आपले खरे हितचिंतक आहेत, असा भाव या उपक्रमामागे होता.

श्रीमती अनुराधा खांडेकर यांनी सांगितले की, "हे झाड आपल्याला ऑक्सिजन देतात, सावली देतात, वारे थोपवतात आणि पावसाचे पाणी धरून ठेवतात. त्यांच्याशी मैत्री ही काळाची गरज आहे.

हा उपक्रम निसर्ग संवर्धनाबरोबरच विद्यार्थ्यांमध्ये पर्यावरणप्रेम जागवणारा ठरला. उपस्थितांनी या अभिनव कल्पनेचे कौतुक केले असून भविष्यातही अशा अनेक पर्यावरणपूरक उपक्रमांची अपेक्षा व्यक्त करण्यात येत आहे. या उपक्रमात शाळेतील इयत्ता पहिली ते सहावी चे विद्यार्थी सहभागी झाले होते.

तसेच शालेय शिक्षक ,शिक्षिका शिक्षकेत्तर कर्मचारी यांनी या उपक्रमासाठी परिश्रम घेतले.