नांदगाव तालुक्यातील टाकळी बुद्रुक येथील मराठा विद्या प्रसारक समाज संचलित जनता विद्यालयातील विद्यार्थिनींसाठी आरोग्य विषयक समस्या व जागरूकता या विषयाला अनुसरून आरोग्य विषयक मार्गदर्शनपर व्याख्यान आयोजित करण्यात आले होते.
कार्यक्रमाची सुरुवात सरस्वती पूजन व दीप प्रज्वलन करून करण्यात आले,तसेच कार्यक्रमाचे अध्यक्ष स्थानी संस्थेच्या वैद्यकीय महाविद्यालयाच्या नांदगाव येथील आरोग्य केंद्राच्या वैद्यकीय अधिकारी डॉ. प्रज्ञा पगार ह्या होत्या.
या कार्यक्रमाचे प्रास्ताविक शाळेच्या मुख्याध्यापिका मनीषा पाटील यांनी केले. "आरोग्यम् धनसंपदा" या उक्तीनुसार स्त्रीचे आरोग्य हे पाठीच्या कण्यासारखे असते. तसेच माणूस निरोगी असेल तर सामाजिक आर्थिक भावनिक सर्व गोष्टींचा समन्वय साधता येतो असे मनोगत व्यक्त करताना म्हणाल्या.
डॉ. प्रज्ञा पगार यांनी उपस्थित विद्यार्थिनींना मार्गदर्शन करताना महिलांच्या आरोग्य विषयक समस्या व त्यावरील उपाय योजना भविष्यात येणाऱ्या ज्या ज्या अडचणी आहेत त्या कशा सोडवाव्यात किंवा त्यांना कसे सामोरे जावे. तान तणावाचे व्यवस्थापन कसे करावे, इत्यादी विषयांवर मार्गदर्शन केले. या कार्यक्रमाचे समारोप प्रसंगी उपस्थितांचे आभार विद्यालयाच्या उपशिक्षिका पी.सी राजपूत यांनी मानले.
0 Comments