नांदगाव तालुक्यातील जातेगाव येथील डोंगरावर देवदर्शनासाठी आलेल्या येवला उंदिरवाडी आणि कन्नड तालुक्यातील खामगाव येथील ट्रॅक्टरच्या अपघातातील मृत्यूमुखी पडलेल्या भाविकांना जातेगाव येथील छत्रपती शिवाजी महाराज चौकात गुरुवार दि. २१ रोजी सकाळी ९ वाजता ग्रामस्थांच्या वतीने श्रध्दांजली अर्पण करण्यात आली.
यावेळी मनोगत व्यक्त करताना येथील माजी सरपंच नारायण पवार यांनी श्री पिनाकेश्वर महादेवाचे येणाऱ्या दर्शनार्थी भाविकांची श्रावण महिन्यात महिनाभर तसेच वर्षभरात देखील इतर वेळी मोठ्या प्रमाणात गर्दीमध्ये वाढ झाली आहे. अरुंद रस्ता असल्याने अवघड वळण त्याचप्रमाणे जागेवरच मोठ्या प्रमाणात चढ असल्याने समोरून येणारे वाहन दिवस नसल्याने दोन्ही बाजूंच्या वाहन धारकांची त्रेधा उडते व लक्ष विचलित झाले की अपघात घडत आहेत, असे ते म्हणाले.
पवार पुढे म्हणाले की, अशा दुर्दैवी घटना पुन्हा घडू नये, यासाठी आपल्या गावातील सामाजिक कार्यकर्ते, तरुण मित्र मंडळ यांनी उत्सव काळात पोलिस संख्याबळ मोठ्या संख्येने उपलब्ध होत नसल्याने ठिकठिकाणी रहदारी नियंत्रण करणे, डोंगरावरील घाट रस्त्याच्या वाहन चालकांना ठिकाणी मार्गदर्शन करणे, उत्सव काळात डोंगरावर जाणारे सर्व वाहने बंद करणे. इत्यादी कामासाठी स्वयंस्फूर्तीने उभे राहून पुन्हा अघटित घटना घडू नये यासाठी योगदान देणे गरजेचे आहे असे मत मांडले. याप्रसंगी उपस्थित आणि दोन मिनिट शांत राहून दुर्घटनेत मयत झालेल्या सर्वांना श्रद्धांजली वाहिली.
यावेळी गुलाब चव्हाण नारायण पवार कैलास पवार किशोर आहेर, वाल्मीक पवार, रमेश चव्हाण सोपान खिरडकर जाबीर शेख, पंढरीनाथ गायकवाड, ब्रिजेश पाटील, अनिल पवार, अनिल चव्हाण यांच्यासह नागरिक मोठ्या संख्येने उपस्थित होते.
0 Comments