तंबाखू मुक्त भारताच्या संकल्पनेला उजाळा देत सौ. कमलाबाई माणिकचंद कासलीवाल विद्यालयात नुकतीच एक सर्जनशील आणि उपयुक्त अशी पोस्टर तयार करण्याची स्पर्धा उत्साहात पार पडली. ग्रामीण रुग्णालय नांदगाव यांच्या वतीने आयोजित या स्पर्धेत विद्यार्थ्यांनी कल्पकता, कौशल्य आणि सामाजिक भान यांचा सुंदर संगम साधत तंबाखूच्या दुष्परिणामांवर प्रभावी संदेश मांडले.
स्पर्धा दोन गटात घेण्यात आली होती. मोठ्या गटात (इयत्ता 8 वी ते 10 वी) विद्यार्थ्यांनी विविध रंगछटांमधून तंबाखूविरोधी संदेश रेखाटत प्रभावी पोस्टर सादर केली. या गटात प्रथम – प्रियंका जाधव,द्वितीय – तनवी दळवे, तृतीय – सागर गायकवाड या विद्यार्थ्यांनी मानाचे क्रमांक पटकावले.
तर लहान गटात, (इयत्ता 5वी ते 7वी)प्रगल्भ विचारांनी सजलेली पोस्टर्स पाहून परीक्षकही मंत्रमुग्ध झाले. या गटातील विजेते पुढीलप्रमाणे :प्रथम -हर्षदा वाबळे, द्वितीय -आदित्य जाधव, तृतीय-तंनजीला शेख बक्षिस वितरण समारंभास ग्रामीण रुग्णालयातील मान्यवर डॉक्टर निष्मा आडे, डॉक्टर स्नेहा सातहारे व अजय भदाणे यांची उपस्थिती लाभली. त्यांच्या प्रेरक उपस्थितीमुळे कार्यक्रमाला विशेष ऊर्जाभरण झाले.
कार्यक्रमास मुख्याध्यापक श्री. गोरख डफाळ व श्री. सावंत सर यांनी मार्गदर्शक म्हणून उपस्थित राहून विद्यार्थ्यांचे मनोबल उंचावले. कार्यक्रमाचे सफाईदार सूत्रसंचालन श्री. संदीप आहेर यांनी तर मनःपूर्वक आभार प्रदर्शन श्री. शरद पवार यांनी केले. विद्यार्थ्यांना संस्थेचे चेअरमन माननीय श्री. सुनीलकुमार कासलीवाल, उपाध्यक्ष सुशील कासलीवाल, सचिव विजय चोपडा, प्रशासक प्रकाश गुप्ता सर, सहसचिव प्रमिला कासलीवाल, विश्वस्त रिखबचंद कासलीवाल, जुगलकिशोर अग्रवाल, महेंद्र चांदिवाल, आनंद कासलीवाल, तसेच सर्व शिक्षक व शिक्षकेतर कर्मचारी यांनी हार्दिक शुभेच्छा दिल्या.
तंबाखू मुक्त समाजाची हाक देणारा हा उपक्रम, विद्यार्थ्यांच्या सर्जनशीलतेतून समाजाला जागृतीचा संदेश देणारा ठरला.अशा उपक्रमांमुळे उद्याचे नागरिक असलेल्या विद्यार्थ्यांमध्ये स्वस्थ, सजग आणि तंबाखू मुक्त जीवनमूल्यांची रुजवात निश्चितच अधिक बळकट होणार आहे.
0 Comments