नांदगाव येथील सौ.क.मा.कासलीवाल माध्य.विद्यालयात संविधान दिन उत्साहात साजरा करण्यात आला. भारतरत्न डॉ बाबासाहेब आंबेडकर यांना पुष्पहार,अर्पण करून सुरु झालेल्या या समारंभात सुरवातीला सर्व विद्यार्थी व शिक्षकांनी संविधानाची उद्देशिका म्हटली.२६ नोव्हेंबर १९४९ रोजी भारतीय संविधान सरकारकडे सुपूर्द करण्यात आले.
संविधान दिनानिमित्त विद्यालयात विविध उपक्रम राबविण्यात आले. यामध्ये संविधान विषयक चित्रकला व पोस्टर स्पर्धा, प्रश्नमंजुषा, संविधान विषयक व्याख्यान, गीतगायन ,संविधानातील एकता व अखंडता या मूल्यांचा अनुभव देण्यासाठी मानवी साखळी निर्मिती ,संविधान विषयक सेल्फी पॉईंट असे विविध उपक्रम राबविण्यात आले. विद्यार्थ्यांनी यावेळी आपले मनोगत व्यक्त करताना संविधानाचे महत्त्व विषद केले. विद्यालयातील विद्यार्थ्यांनी भारतीय संविधान विषयावर रेखाटलेल्या चित्रांचे प्रदर्शन विद्यालयात मांडण्यात आले होते. कला शिक्षक अनिकेत राऊत यांनी विद्यार्थ्यांना मार्गदर्शन केले. विद्यालयातील शिक्षक केतन दळवे यांनी विद्यार्थ्यांना संविधान निर्मितीची प्रक्रिया समजावून सांगितली.मुख्याध्यापक गोरख डफाळ यांनी संविधानाची रचना व त्याचे महत्व विशद केले. जगातील सर्वात मोठ्या अश्या भारतीय संविधानाबद्दल विद्यार्थ्यांनी आदर बाळगणे आवश्यक आहे असे आवाहन त्यांनी केले.
याप्रसंगी शाळेचे मुख्याध्यापक गोरख डफाळ ,संजय त्रिभुवन, संजय शिवदे ,राहुल आहेर, शरद पवार, संदीप आहेर,विजय गायकवाड, केतन दळवे, अनिकेत राऊत, मनोज व्हरगीर, रिझवान मन्सुरी, हर्षदा भालेराव ,योगीता गायकवाड ,पल्लवी काकळीज उपस्थित होते.या कार्यक्रमाचे सूत्रसंचालन विजय गायकवाड यांनी तर संजय शिवदे यांनी आभार व्यक्त केले.
0 Comments