नांदगाव तालुक्यातील जातेगाव जवळ दोन ट्रॅक्टर चा भरधाव वेगात ओव्हरटेक करण्याच्या नादात ट्राली गुंतल्याने एक ट्रॅक्टर पल्टी झाल्यावर दुसर्या ट्रॅक्टर ची गती न आवरल्याने पल्टी झालेल्या ट्रॅक्टरवर दुसरा ट्रॅक्टर चढला. सुदैवाने ट्रॅक्टरचे चालक बाजूला पडल्यामुळे जिवीत हानी झाली नाही. वाहतूक ठप्प झाल्याने परंतु दोन्ही बाजूने वाहनांच्या लांबच लांब रांगा लागल्या होत्या.
सविस्तर वृत्त असे की गुरुवार दि. २७ रोजी सायंकाळी पाच वाजेच्या दरम्यान तालुक्यातील पडधाडी येथील दोन ट्रॅक्टर भरधाव वेगाने जाताना जातेगाव पासून दोन किलोमीटर अंतरावर असलेल्या सावळ्या नदी जवळ ओव्हरटेक करण्याच्या नादात दोन्ही ट्रॅक्टरच्या ट्राली एकात एक गुंतल्याने एक ट्रॅक्टर रस्त्याच्या कडेला असलेल्या नालीमध्ये अर्धा भाग पल्टी झाला व त्याची ट्राली रस्त्यावर आडवी झाल्याने दुसरा ट्रॅक्टर चा वेग आवरल्याने पल्टी झालेल्या ट्रॅक्टरवर चढला.
सुदैवाने ट्रॅक्टरचे चालक बाजूला पडल्यामुळे जिवीत हानी झाली नाही. परंतु नांदगाव हून बोलठाण व मराठवाड्यात जाणारी व परतणार्या वाहनांच्या लांबच लांब रांगा लागल्याने दोन्ही बाजूंनी वाहतूक ठप्प झाली होती. यामध्ये सायंकाळी विद्यार्थ्यांना घेऊन जानार्या बस अडकल्याने मुले शाळेतून परत नाही आल्यामुळे पालक मोटर सायकल वरून येऊन आपापल्या मुलांना घेऊन जात असताना दिसत होते. सहा वाजेच्या दरम्यान जेसिबी मशिन च्या सहाय्याने अपघात ग्रस्त ट्रॅक्टर व ट्राली बाजूला करून रहदारी सुरळीत करण्याचे काम सुरू होते.
0 Comments