न्यू इंग्लिश स्कूल विद्यालयात 'राष्ट्रीय अंतराळ दिन' उत्साहात साजरा*..🪐🚀

 Bay- team aavaj marathi 

किरण काळे पत्रकार नांदगाव (नाशिक)

नांदगाव येथील मविप्र संचलित न्यू इंग्लिश स्कूल या विद्यालयात राष्ट्रीय अंतराळ दिन' उत्साहात साजरा उत्साहात साजरा करण्यात आला .कार्यक्रमाच्या अध्यक्षस्थानी विद्यालयाच्या मुख्याध्यापिका ज्योती काळे होत्या. याप्रसंगी मंचावर पर्यवेक्षक श्री. अविनाश शेवाळे, नरेंद्र पाटील,अजित पगार,गजेंद्र माताडे, यशवंत काकळीज,जया गवळी, प्रनोद गोटे,गणेश ढोणे, श्रीमती बिडवे,कैलास खैरनार व उपस्थितांच्या हस्ते राष्ट्रीय अंतराळ दिनाच्या निमित्ताने मिसाईल मॅन ए.पी.जे.अब्दुल कलाम यांच्या प्रतिमेचे पूजन करण्यात आले.

 विज्ञान शिक्षक भाऊसाहेब सोनवणे यांनी विद्यार्थ्यांना २३ ऑगस्ट या दिवसाला 'राष्ट्रीय अंतराळ दिन'हा दिवस चांद्रयान-३ च्या यशस्वी लँडिंगच्या स्मरणार्थ साजरा केला जातो. २३ ऑगस्ट २०२३ रोजी भारतीय अंतराळ संशोधन संस्था (इस्रो) ने पाठवलेले चांद्रयान- ३ चंद्राच्या दक्षिण ध्रुवावर यशस्वीरित्या उतरले. असे करणारा भारत हा जगातील पहिला आणि एकमेव देश ठरला.

या ऐतिहासिक यशाबद्दल, भारताचे पंतप्रधान नरेंद्र मोदी यांनी २३ ऑगस्ट २०२३ रोजी या दिवसाला ‘राष्ट्रीय अंतराळ दिन’ म्हणून घोषित केले. हा दिवस भारताच्या अंतराळ क्षेत्रातील प्रगतीचा आणि वैज्ञानिकांच्या अथक परिश्रमांचा सन्मान करतो. हे इस्रोने (ISRO) विकसित केलेले तिसरे चंद्र मिशन होते. या मिशनमध्ये एक लँडर (विक्रम) आणि एक रोव्हर (प्रज्ञान) होते.लँडरचे नाव 'विक्रम साराभाई' यांच्या नावावरून 'विक्रम' असे ठेवले आहे, जे भारतीय अंतराळ कार्यक्रमाचे जनक मानले जातात हे सांगितले.

 अध्यक्षीय मनोगतात ज्योती काळे यांनी विद्यार्थ्यांना हा दिवस भारताच्या अंतराळा क्षेत्रातील प्रगतीचा आणि वैज्ञानिकांच्या अथक परिश्रमांचा सन्मान करतो. तुम्ही देखील खूप अभ्यास करून भारतीय वैज्ञानिक क्षेत्राचा आधार व्हावं हे सांगितले. कार्यक्रमात यशस्वीतेसाठी विद्यालयातील सर्व शिक्षक, शिक्षिका व शिक्षकेतर कर्मचारी यांचे मोलाचे सहकार्य लाभले. कार्यक्रमाचे सूत्रसंचालन अण्णासाहेब दुकळे यांनी केले.