जगन (नाना) पाटील पत्रकार न्यायडोंगरी नांदगाव (नाशिक)
नांदगाव तालुक्यातील परधाडी येथील सर्व पालक आणि ग्रामस्थांनी गट विकास अधिकारी आणि गट शिक्षणाधिकारी यांना येथील जि.प. मराठी शाळेला गेल्या अनेक दिवसापासून कमी असलेले शिक्षक मिळावे यासाठी वारंवार निवेदने देवून तसेच सतत पाठपुरावा करून अधिकाऱ्यांनी दुर्लक्ष केल्याने पंचायत समिती प्रशासनास धडा शिकविण्यासाठी आज २८ ऑगस्ट रोजी सकाळी अकरा वाजता सर्व ग्रामस्थांनी व पालकांनी एकत्र येऊन शाळेत कुलूप ठोकले.
याबाबत सविस्तर वृत्त असे की, परधाडी सर्व पालक वर्ग व ग्रामस्थांच्या वतीने जि. प. मराठी शाळेस कुलूप ठोकण्यात आले. गेल्या अनेक दिवसापासून कमी असलेले शिक्षक मिळावे यासाठी सतत पाठपुरावा करून ही अधिकाऱ्यांनी केलेले दुर्लक्ष व त्यामुळे विद्यार्थ्यांचे होत असलेले शैक्षणिक नुकसान यास कंटाळून गेल्या चार दिवसांपूर्वी लेखी इशारा देऊन ही येत्या २८ तारखेपर्यंत शिक्षक न दिल्यास शाळेला कुलूप लावून असा इशारा पंचायत समिती प्रशासनास देण्यात आला होता. दिलेल्या निवेदनाची पंचायत समितीच्या प्रशासनाने कुठल्याही प्रकारची दखल न घेतल्याने आज सकाळी अकरा वाजता सर्व ग्रामस्थांनी व पालकांनी एकत्र येऊन शाळेत कुलूप ठोकले.
यावेळी पालक व नागरिकांनी अधिकारी येण्याची वाट बघितली परंतु प्रशासनाच्या वतीने कोणीही अधिकारी दुपारी उशिरापर्यंत येथे उपस्थित न झाल्यामुळे अखेर संतप्त नागरिक कुलूप लावून निघून गेले. दुपारपर्यंत तरी कोणताही अधिकारी घटनास्थळी आलेला दिसून आलेला नव्हता यापुढे प्रशासनाकडून काय निर्णय घेण्यात येतो याकडे सर्वांचे लक्ष लागले आहे. तर ग्रामस्थांशी चर्चा केली असता जोपर्यंत आमच्या शाळेस कमी असलेले शिक्षक पुरविण्यात येत नाही तोपर्यंत आम्ही कुलूप उघडणार नाही असा पवित्रा पालकांनी घेतलेला दिसून आला होता, याप्रसंगी उपस्थित शिक्षकांनी विद्यार्थ्यांना शाळेच्या प्रांगणाच्या बाहेर बसवून शिकवताना दिसून आले.
0 Comments