नवीन वीजदर व नियम रद्द करणेबाबत महावितरणला निवेदन

 Bay -team aavaj marathi 

Dr.शिवचरण हिंगमिरे पत्रकार उमरखेड (यवतमाळ)

उमरखेड येथील विदर्भ स्मॉल स्केल इंडस्ट्रीज असोसिएशन तर्फे येथील महाराष्ट्र राज्य विद्युत वितरण कंपनी कार्यालयात सहाय्यक अभियंता यांना निवेदन दिले.१ जुलै २०२५ पासून लागू करण्यात आलेले नवीन वीज शुल्क व इतर जाचक नियम तात्काळ मागे घेण्याची मागणी यामध्ये करण्यात आली.

“बँकेचे कर्ज, वीजबिल, कर्मचारी पगार, व्यापारातील तीव्र स्पर्धा या सर्वांमध्ये उद्योजक आधीच कोंडीत सापडला आहे. त्यात वीज वितरण कंपनीने केलेल्या दरवाढीमुळे उद्योग चालवणे अशक्य झाले आहे. आज उद्योग चालवणारा व्यापारी स्वतःसाठी रोजगार शोधण्याच्या स्थितीत आला आहे.”संघटनेच्या पदाधिकाऱ्यांनी स्पष्ट इशारा दिला की, ही दरवाढ तसेच अटी-नियम जर मागे घेतले नाहीत तर अनेक लघु उद्योगांना जबरदस्तीने बंद करण्याची वेळ आमच्यावर येईल. यामुळे समाजातील शेकडो लोकांचा रोजगार धोक्यात येऊन त्याचा अर्थ व्यवस्थेवर विपरीत परिणाम होईल.

दरवाढीमुळे सर्वसामान्य ग्राहक, शेतकरी, व्यापारी, लघु उद्योग सर्वांनाच मोठा फटका बसत असल्याचे निवेदनात नमूद करण्यात आले. “दरवाढ व इतर नियम तातडीने रद्द करून पूर्ववत करावेत, अन्यथा उधोजकांना कठोर आंदोलन करावे लागेल,” असा इशारा यावेळी देण्यात आला.या निवेदन देताना संघटनेचे अध्यक्ष संदीप नारायण दास भट्टड , सचिव रामेश्वर बिच्छेवार ,प्रशांत मुक्कावार शंकर सोलंके,सौरभ गोविंदवार, बाळकृष्ण आलट, रतिष नायर, विवेक तावडे ,शेख कय्यूम शेख आयुब, दीपक अनखुळे, मकरंद पत्तेवार यासह संघटनेचे पदाधिकारी मोठ्या संख्येने उपस्थित होते.