उपविभागिय पोलीस अधिकारी गायकवाड यांचा मुर्ति कार संघटनेच्या वतीने सत्कार

 Bay- team aavaj marathi 

Dr. शिवचरण हिंगमिरे पत्रकार उमरखेड (यवतमाळ) 

उमरखेड तालुक्यात गणेशोत्सव नवरात्रोत्सव काळात वेळोवेळी योग्य सुचना देत मोलाचे मार्गदर्शन केल्याबद्दल उमरखेड मुर्ति कार संघटनेच्या वतीने २४ सप्टेंबर रोजी उमरखेड उपविभागिय पोलीस अधिकारी हनुमंत गायकवाड आणि ठाणेदार शंकर पांचाळ यांचा सत्कार करण्यात आला.

उपविभागीय पोलीस अधिकारी उमरखेड हनुमंतराव गायकवाड यांचा सत्कार करताना मुर्तीकार संघटनेचे पदाधिकारी 

उमरखेड शहरात गणपती आणि देवीच्या मुर्ती विकत घेण्यासाठी येणाऱ्या भाविकांच्या गर्दीचा विचार करून त्या ठिकाणी वाहतुकीचा खोळंबा होऊ नये, यासाठी ठिक ठिकाणी चोख बंदोबस्त ठेऊन सुरक्षितरित्या गणपती व देवीच्या मुर्ती वाहनांमध्ये घेऊन जाण्यासाठी भाविकांना व मुर्तीकारांना पोलिस प्रशासनाने योग्य मार्गदर्शन केले. सर्व मुर्तीकार बांधवांनी पोलीस प्रशासनाच्या सुचनांचे तंतोतंत पालन करत समन्वय ठेवून या दोन्ही धार्मिक उत्सवात पोलीस प्रशासनाचे मोलाचे मार्गदर्शन लाभले. त्यामुळे पोलीस प्रशासनाचे मिळालेल्या सहकार्याबद्दल आभार व्यक्त करण्यासाठी सत्काराचे आयोजन करण्यात आले होते.

ठाणेदार शंकर पांचाळ पोलीस स्टेशन उमरखेड यांचा सत्कार करताना मुर्तीकार बांधव

यावेळी मुर्तीकार संघटनेचे मार्गदर्शक सदाशिव वासमवार, जिल्हाध्यक्ष संदिप अनखुळे , तालुका अध्यक्ष बंडू भूते , उपाध्यक्ष संजय पळसकर, राजेश वासमवार , निशांत धकाते , अंबादास आसोले, रोहित ताजनेकर , लक्ष्मण पळसकर ,राजेश आसोले, दिपक लांबटीळे, विष्णू मते यांच्यासह मुर्तीकार संघटनेचे सदस्य तथा कारागीर उपस्थित होते.