नांदगाव येथील मराठा विद्या प्रसारक समाज संस्थेच्या न्यू इंग्लिश स्कूल विद्यालयात थोर समाजसुधारक, क्रांतीसुर्य महात्मा ज्योतिबा फुले पुण्यतिथी निमित्ताने त्यांच्या प्रतिमेचे पूजन मुख्याध्यापिका ज्योती काळे, उपमुख्याध्यापक दिपक चव्हाण, पर्यवेक्षक अविनाश शेवाळे व उपस्थितांच्या हस्ते करण्यात आले.विद्यालयातील इ. ५ वी क ची विद्यार्थिनी शिंदे आराध्या हिने आपल्या भाषणातून महात्मा जोतिबा फुले यांचे ऋण व्यक्त केले.
उपमुख्याध्यापक दीपक चव्हाण यांनी महात्मा फुले यांच्या जिवन कार्याचा परिचय करून देताना म्हणाले की,१८५२ मध्ये पुण्यातील बुधवार पेठेत त्यांनी मुलींसाठी पहिली शाळा सुरू केली. त्यांनी अस्पृश्य मुलामुलींसाठी शाळा उघडल्या. २४ सप्टेंबर १८७३ रोजी त्यांनी सत्यशोधक समाजाची स्थापनेतून जातीभेद आणि अस्पृश्याता नष्ट करणे तसेच सर्वांना समान हक्क मिळवून देणे हा उद्देश होता. महात्मा फुले यांनी १८५३ मध्ये 'बालहत्या प्रतिबंधक गृहा'ची स्थापना केली. त्यांनी 'गुलामगिरी', 'शेतकऱ्यांचा आसूड' ,'इशारा, 'सार्वजनिक सत्यधर्म' साहित्य लेखन केले.
मुख्याध्यापिका ज्योती काळे यांनी विद्यार्थ्यांना संबोधित करताना म्हणाल्या की,'महात्मा' ही पदवी त्यांना १८८८ मध्ये मुंबईतील जनतेने दिली.त्यांनी शिक्षण, जातीभेद निर्मूलन आणि महिलांच्या हक्कांसाठी महत्त्वपूर्ण कार्य केले. याप्रसंगी विद्यालयातील सर्व शिक्षक,शिक्षिका, शिक्षकेतर कर्मचारी व विद्यार्थी उपस्थित होते. या कार्यक्रमाचे सूत्रसंचालन योगेश खालकर यांनी केले.
0 Comments