Bay- team aavaj marathi
मारुती जगधने जेष्ठ पत्रकार नांदगाव (नाशिक)
नांदगाव शहरासाठी माणिकपुंज प्रकल्पातून केलेल्या नवीन मुख्य जलवाहिनीचे लोकार्पण व जलपूजन सोहळा शनिवार दि.२२ रोजी सौ. अंजुम ताई सुहास कांदे यांच्या हस्ते विधीवत पूजन करून व श्रीफळ वाढवून पार पडला, याप्रसंगी पेढे वाटप करण्यात आले.
याबाबत सविस्तर वृत्त असे की,शहरात पाणी पुरवठा सुरळीत व्हावा यासाठी आ.सुहास आण्णा कांदे यांच्या माध्यमातून वैशिष्ट्यपूर्ण योजने अंतर्गत या पाईप लाईन साठी दोन कोटी रुपये तात्काळ मंजूर करण्यात आले होते. या आगोदर असलेली मुख्य जलवाहिनी जीर्ण झाल्याने सतत फुटणे किंवा नादुरुस्त होणे या कारणांमुळे पाणी पुरवठ्यामुळे मोठी अडचण होत होती आणि नागरिकांना पाणीटंचाईचा सामना करावा लागत होता. यामुळे पाणीपुरवठा कर्मचाऱ्यांना सुद्धा नागरिकांच्या रोषाला सामोरे जावे लागत होते. या आधीचे पाईप लाईन द्वारे कमी दाबाने पाणी येत असल्याने दिवसाला दोनच प्रभागात पाणीपुरवठा होत होता. परंतु नव्याने केलेल्या पाईपलाईन मुळे दिवसाला चार ते पाच प्रभाग पाणीपुरवठा करता येणे शक्य होणार आहे.
याप्रसंगी आपल्या मनोगतात बोलताना सौ.अंजुमताई कांदे यांनी उपस्थित महिला भगिनी आणि बांधवांचे निवडणुकीत मोठ्या संख्येने मतदान करत आमच्या पाठीशी उभे राहिलात याबद्दल आभार मानले, गिरणा धरण ते नांदगाव स्वतंत्र पाणीपुरवठा योजना लवकरच पूर्ण होणार असून, माणिकपुंज नांदगाव नव्याने टाकण्यात आलेल्या जलवाहिनी मुळे उन्हाळ्यात पाण्याची टंचाई जाणवणार नाही. तसेच अण्णांच्या प्रयत्नामुळे लवकरच नांदगाव शहर व तालुक्याचा पिण्याच्या पाण्याचा दुष्काळ मिटणार असून,आपण अण्णांवर आपण विश्वास ठेवून त्यांना पुन्हा एकदा आमदार केल्याने अण्णासाहेब आपल्या विश्वासाला तडा जाऊ देणार नाही तालुक्यात विकासाचा झंझावात असाच कायमस्वरूपी पुढे चालू राहणार असल्याचा त्यांनी मनोगत व्यक्त केले. 
यावेळी बोलताना मुख्याधिकारी प्रशासक शामकांत जाधव यांनी नागरिकांनी उन्हाळ्यात आपल्या गरजेपुरते पाणी वापरावे, पाणी वाया घालू नये, काम झाल्यानंतर नळ बंद करावे, असे आवाहन केले.यावेळी नगरपालिकेचे वतीने सौ अंजुम ताई कांदे यांचा सत्कार धनवट मॅडम यांनी केला. 
या कार्यक्रमास नांदगाव शहर माजी नगराध्यक्ष राजेश (बबी काका) कवडे, अरुण पाटील, काका सोळसे चेतन पाटील, उद्योजक अनंत कासलीवाल, माजी नगरसेवक नितीन जाधव,ॲड.सचिन साळवे,युवासेना तालुकाप्रमुख सागर हिरे, शिवसेना शहर प्रमुख सुनील जाधव, प्रकाश शिंदे,अयाज शेख, शशिकांत सोनवणे, विलास राजोळे, बद्रीनाथ सोनवणे, नाना जाधव, काशिनाथ देशमुख, रवी सोनवणे,बिरू शिंदे शिवसेना महिला आघाडीच्या मनमाड शहर प्रमुख संगीताताई बागुल नांदगाव शहर प्रमुख रोहिणी ताई मोरे ऍड.विद्याताई कसबे, भारती बागोरे, संगीता निकम सौ निता दराडे, नेहा खटके, रिजवाना शेख, आदींसह नांदगाव नगरपालिकेचे सर्व कर्मचारी वर्ग तसेच परिसरातील नागरिक माता-भगिनी मोठ्या संख्येने उपस्थित होते.
0 Comments