जातेगाव च्या यात्रेवर दाट लग्नसराई आणि उन्हाचे सावट

 Bay- team aavaj marathi 

नांदगाव तालुक्यातील जातेगाव पासून उत्तरेस चंदनपुरी शिवारात सह्याद्री पर्वत रांगेच्या शिखरावर असलेल्या श्री पिनाकेश्वर महादेवाचा चैत्र शुद्ध नवमीला दि.२२ रोजी वार्षिक यात्रोत्सवात होता. यानिमित्त दिवसभर डोंगरावरील धार्मिक विधी संमप्न झाला व सायंकाळी येथील दिपमाळ प्रज्वलित केल्यानंतर शिवलिंगावर ठेवलेला पितळी मुखवटा आंघोळ घालण्यासाठी येथील पवित्र विहिरीवर आणला तेथे मुखवट्यास आंघोळ घालून आरती करण्यात आली. यावेळी मोठ्या संख्येने भाविक उपस्थित होते.

पालखी सोहळ्यास उपस्थित भाविक व देवाचा मुखवटा 

त्यानंतर हा मुखवटा सवाद्य गावातील महादेवाच्या मंदिरात ठेवून स्वच्छ करून डोळे, भुवया,गंध वगैरे सजावट करुन 
रंगीबेरंगी फुलांनी व रोषणाई सजविण्यात आलेल्या चांदीच्या पालखीमध्ये विराजमान करण्यात आला. चैत्र शुद्ध नवमीला महादेवाचे लग्न माता पार्वती यांच्या सोबत झाले असल्याची अख्यायिका आहे. त्यामुळे मुखवट्यास मंडोळी बांधून ढोलताशांच्या गजरात आणि भजनाच्या दुमदुमत्या स्वरात गावातील प्रमुख मार्गावरून मिरवणुक काढण्यात आली. (अर्थात देवाची जुन्या परंपरेनुसार वरात काढण्यात आली.)या शोभायात्रेत ठिकठिकाणी गावातील नागरिकांनी पुजन करुन रेवड्यांच्या प्रसादाचे वाटप केले
उन्हामुळे सायंकाळी यात्रेत झालेली गर्दी दुपारी असलेली उष्णता 
दरवर्षी छत्रपती संभाजी नगर, अहिल्या नगर नाशिक जळगाव धुळे नंदुरबार इत्यादी जिल्ह्यातून मोठ्या प्रमाणात दर्शनासाठी भाविकांची गर्दी होत असते. मात्र यावर्षी दि २२ रोजी दाट लग्नतिथी होती, त्यामुळे बहुतांश भाविक तसेच स्थानिक व पंचक्रोशीतील नागरिक उदरनिर्वाहासाठी स्थलांतरित झालेले आहेत त्यापैकी बहुतेक नागरिक देवाच्या दर्शनासाठी येऊ शकले नाहीत.
पालखी समोर नुकसान तेलाचे दिवे प्रज्वलित करताना मानकरी 

 
त्यानंतर तीन दिवस गावात यात्रा भरत असते, ठिकठीकाणहूण भांडी, बेंटेक्स ज्वेलरी, खेळणी खवय्यांसाठी मिठाई चे दुकाने आले होते. मात्र या वर्षी दाट लग्नसराई आणि उन्हाचे ३९ अंश सेल्सिअस पर्यंत तापमान होते. यामुळे चार दिवस चालणारा यात्रा उत्सव तीन दिवसात आटोपला. यात सकाळी ११ वाजेपर्यंत व सायंकाळी चार ते रात्री नऊ वाजेपर्यंत सुरू होता. त्यामुळे दरवर्षी येणार्या व्यावसायिकांचा चांगला व्यवसाय होतो. लाखो रुपयांची उलाढाल होते, मात्र या वर्षी अपेक्षीत व्यवसाय झाला नसल्याने सर्वच व्यवसायिक नाराज झाले. 
शेवटची कुस्ती लावताना पंच कमिटी 

गुरुवार दि.२४ रोजी जंगी कुस्त्यांचा आखाडा भरविण्यात आला होता. येथे कुस्त्यांच्या आखाड्यात कुस्तीसाठी नामांकित मल्ल येत असतात परंतु या वर्षी ते देखील उन्हामुळे आणि लग्न समारंभामुळे येवू शकले नाहीत. संपूर्ण उत्सवात यात्रा उत्सव समिती तसेच कुस्त्यांच्या आखाड्याची असलेल्या स्वतंत्र समितीने योग्य नियोजन केल्याने कुठल्याही प्रकारचा अनुचित प्रकार घडला नाही.

Post a Comment

0 Comments