पहिल्याच श्रावणी सोमवारी पिनाकेश्वराचे घेतले ३० हजार पेक्षा अधिक घेतले भाविकांनी दर्शन जगद्गुरु शांतिगिरी जी महाराज यांनी पाठ केला देवास अभिषेक

 Bay- team aavaj marathi 

नांदगाव तालुक्यातील जातेगाव पासून उत्तरेस सात किलोमीटर अंतरावरील डोंगराच्या शिखरावर असलेल्या व जिल्ह्यातील दुसर्या क्रमांकाचे मोठे शिवालय म्हणून ओळख असलेल्या श्री पिनाकेश्वर महादेवाच्या दर्शनासाठी श्रावणी सोमवार चे औचित्य साधत पहिल्याच सोमवारी दि.२८ जुलै रोजी भल्या पहाटे तीन वाजे पासून सायंकाळी चार वाजेपर्यंत तीस हजार पेक्षा अधिक भाविकांनी दर्शनाचा लाभ घेतला.

श्री पिनाकेश्वर महादेवास अभिषेक करताना जगद्गुरु शांतिगिरी जी महाराज महादेव गिरी महाराज,विवेकानंद महाराज,कमलानंद महाराज, महाराज,मंगेशभाऊ गवळी, सुनील शिंदे, अदी भक्त परिवार उपस्थित होते.

पोलिस निरीक्षक दिगंबर भदाने सहपरीवार दर्शन घेतांना 

दुपारी दोन वाजेच्या नंतर अधुनमधून बरसनार्या रिमझिम पावसाच्या सरीमध्ये देखील भाविकांनी बंम बंम भोले,हर हर महादेव ,जय शिवशंकर घोषणा देत पावसाचा आनंद घेत शांततेत मध्य महाराष्ट्र मराठवाडा, खान्देश इत्यादी ठिकाणांहून शेकडो भाविकांच्या पायी चालत आलेल्या दिंड्या तसेच अबालवृद्ध भाविक महिला दर्शन घेतले.

याप्रसंगी जगद्गुरू शांतिगिरी महाराज यांच्या उपस्थितीत चार भाविकांनी येथे येणाऱ्या भाविकांची रहाण्याची व्यवस्था व्हावी यासाठी संकल्पीत फक्त निवासस्थानातील बांधकामांसाठी प्रत्येकी एक खोलीसाठी येणारा खर्च देण्याचा संकल्प केला.

 देवस्थान ट्रस्टने सीसीटीव्ही कॅमेऱ्याच्या माध्यमातून दर्शनबारी, मंदिराचा सभामंडप व मंदिर आणि बाहेरच्या परिसर या सर्व भागात कुठल्याही प्रकारचा अनुचित प्रकार घडू नये म्हणून कॅमेरे बसवलेले असल्याने येथे बंदोबस्तासाठी असलेल्या पोलिस बांधवांना सर्व परिसरात नजर ठेवणे सोपे झाले आहे. 

भरपावसात देवाच्या दर्शनासाठी लागलेली रांग 

मंदिराच्या गाभाऱ्यात छ.संभाजी नगर येथील खासगी सुरक्षा रक्षकांनी त्याचप्रमाणे पोलीस निरीक्षक दिगंबर भदाने यांच्या मार्गदर्शनाखाली पोलीस उपनिरीक्षक सुनील बढे यांच्या नेतृत्वाखाली पोलिस हवालदार भरत कांदळकर, भास्कर बस्ते, मनमाड येथील दंगा नियंत्रण पथक, महिला व पुरुष पोलिस शिपाई, होमगार्ड पथकाने मंदिरापासून सुमारे चार किलोमीटर -च्या अंतरात ठिकठिकाणी चोख बंदोबस्त ठेवल्याने कुठलाही अनुचित प्रकार घडला नाही.

रहदारी नियंत्रण करताना पोलिस बांधव 

देवस्थान ट्रस्टचे अध्यक्ष अर्जुन (बंडू) पाटील यांनी दिलेल्या माहितीनुसार पहाटे तीन वाजेपासून सायंकाळी चार वाजेपर्यंत सुमारे ३० हजार पेक्षा अधिक भाविकांनी देवाच्या दर्शनाचा लाभ घेतला. तर रात्री बारा वाजेपर्यंत किमान आनखी पाच हजार भाविक दर्शन घेतील असा अंदाज त्यांनी व्यक्त केला. यावेळी देवस्थानचे उपाध्यक्ष ज्ञानदेव पवार, सचिव बाबासाहेब चव्हाण खजिनदार रामदास पाटील विश्वस्त ज्ञानदेव चव्हाण, शिवाजी वर्पे, शरद पवार इत्यादी उपस्थित होते.