नांदगाव तालुक्यातील जातेगाव पासून सात किलोमीटर अंतरावरील डोंगरावर गुरुवार दि १४ रोजी ३ वाजेच्या सुमारास असलेल्या श्री क्षेत्र पिनाकेश्वर महादेव देवस्थान च्या ठिकाणी येवला तालुक्यातील उंदीर वाडी येथील भाविकांचा दिंडीतील ट्रॅक्टरची ट्राली पलटी झाल्याने देविदास दौलतराव सोनवणे (वय ५५) हे उपचारापूर्वीच मयत तर पंढरीनाथ जाधव (वय ६२) यांना छातीला आणि डोक्याला गंभीर मार लागल्याने प्रकृती चिंताजनक असून अन्य तिघांवर बोलठाण येथील प्राथमिक आरोग्य केंद्रात प्रथमोपचार करून अधिक उपचारासाठी दुसर्या दवाखान्यात पाठविण्यात आले आहे.
सविस्तर वृत्त असे की, सालाबादप्रमाणे यंदाही येवला तालुक्यातील उंदीर वाडी येथील दोन ट्रॅक्टर, एक पिकप आणि जितो या चा वाहनासह सुमारे दिडशे पेक्षा अधिक भाविकांचा दिंडी सोहळा श्री पिनाकेश्वर महादेव देवस्थान येथे गुरुवार दि १४ रोजी ३ वाजेच्या सुमारास सकाळी आला होता. त्यांचा देवस्थान च्या ठिकाणी सर्व धार्मिक विधी आणि भोजनाचा कार्यक्रम आटोपल्यानंतर परतीच्या प्रवासाला निघाल्यानंतर त्यातील एक ट्रॅक्टर स्वयंपाकाचे भांडे व इतर साहित्य घेऊन देवस्थान च्या ठिकाणी घाटातील उताराच्या ठिकाणी घाट उतरत असताना अचानक ट्रॅक्टरची ट्राली पलटी झाल्याने त्यात देविदास दौलतराव सोनवणे (वय ५५) यांना गंभीर मार लागल्याने त्यांचे उपचारापूर्वीच निधन झाले.
तर पंढरीनाथ जाधव (वय ६२) यांना छातीला आणि डोक्याला गंभीर मार लागल्याने त्यांची प्रकृती चिंताजनक असल्याचे सांगण्यात येते. तर राधा कीसन शिरसागार (वय ६०) साई पवार (वय १६)कृष्णा धामणे (वय १४) सर्व रहाणार येवला तालुक्यातील उंदीर वाडी येथील असून त्यांना किरकोळ दुखापत झाल्याने त्यांच्यावर बोलठाण येथील प्राथमिक आरोग्य केंद्रात प्रथमोपचार करून सोडण्यात आले आहे. वरील घटनेची माहिती मिळताच पोलीस निरीक्षक दिगंबर भदाने यांच्या मार्गदर्शनाखाली बोलठाण येथील पोलिस हवालदार भास्कर बस्ते पोलिस शिपाई परमेश्वर श्रीखंडे यांनी मदतकार्य सुरू करुन जखमींना रुग्णालयात हलविले.
0 Comments