कुसुमतेल या आदिवासी बहुल गावातील जि प शाळेच्या शिक्षकाची मनमानी शिक्षक वारंवार गैरहजर

 Bay-- team aavaj marathi 

नांदगाव तालुक्यातील घाटमाथ्यावरील सह्याद्री पर्वत रांगेतील डोंगराच्या कुशीत वसलेल्या कुसुमतेल या आदिवासी बहुल गावातील जि. प. शाळेचा शिक्षक शिरीष जोशी मुख्यालयी न थांबता नाशिक येथून ये जा करत असून मनमानी करत असून वारंवार गैरहजर राहत असल्याने विद्यार्थ्यांच्या शिक्षणाचा खेळ खंडोबा झाला आहे.

या बाबत सविस्तर वृत्त असे की, उपशिक्षक शिरीष जोशी यांची सन २०२४ मध्ये घाटमाथ्यावरील सह्याद्री पर्वत रांगेतील डोंगराच्या कुशीत वसलेल्या कुसुमतेल या सरासरी तीन हजार लोकसंख्या असलेल्या गावांमध्ये लोकसंख्या च्या सरासरी ९०% आदिवासी नागरिक राहतात. या आदिवासी बहुल गावात जि. प. प्राथमिक इयत्ता पहिली ते सहावी प्रयत्न शाळा असून, या शाळेत १३० मुले आणि १०९ मुली शिक्षण घेत आहेत. 

त्यानुसार येथे सात उपशिक्षक आणि मुख्याध्यापकाची आवश्यकता आहे. परंतु येथे सुनील अहिरे, संदेश मेश्राम आणि मनोज गायकवाड हे उपशिक्षक क्रियाशील विद्यार्थ्यांसाठी जिवओतून काम करतात तर मार्च २०२५ मध्ये रुजू झालेले मुख्याध्यापक राजेंद्र पाटील हे आपले कामकाज सांभाळून फावल्या वेळेत विद्यार्थ्यांना शिकवतात. तर शाळेचा इयत्ता पाचवी चे वर्ग उपशिक्षक शिरीष जोशी हे वारंवार गैरहजर राहत असून मुख्यालयी न थांबता नाशिक येथून ये जा करत असल्याने शाळेत वेळेवर उपस्थित राहत नसल्याने विद्यार्थ्यांच्या शिक्षणाचा खेळ खंडोबा होत आहे.

छायाचित्रात सरपंच संदीप पाटील, मुख्याध्यापक राजेंद्र पाटील, व्यवस्थापन समितीचे अध्यक्ष श्री संजय जगताप आणि पालक दिसत आहेत. 

नियमानुसार प्रत्येक शिक्षकास वर्षाकाठी १२ पगारी रजा संपल्यानंतर विनापरवानगी २५ दिवस गैरहजर राहिले असून आठवड्यातून ठराविक दिवशी दुपारी एक वाजेच्या दरम्यान हजर झाले आहे. व शाळा सुटण्याच्या वेळेच्या आगोदर चार वाजेच्या दरम्यान इतर सहशिक्षकांना न सांगता निघून जातात तर या त्यांच्या कृती बद्दल येथील सरपंच संदिप पाटील व शाळा व्यवस्थापन समितीचे अध्यक्ष श्री संजय जगताप आणि उपाध्यक्ष संजय गावडे यांनी उपशिक्षक शिरीष जोशी यांना विचारणा केली असता त्यांनी उद्धटपणे उत्तर देत, मला चाळीस एकर शेती आहे. मला नोकरीची गरज नाही, माझी प्रत्येक ठिकाणी कामाची पध्दत अशीच असून या पुर्वीच्या शाळेवर देखील मी अशाच प्रकारे काम करत आलो आहे,असे उत्तर देऊन निघुन गेले.

 प्रतिक्रिया -सरपंच संदीप पाटील 👇

वरील शाळेचा उपशिक्षक शिरीष जोशी यांच्या बद्दल तक्रारी असल्यामुळे शाळेस भेट दिली असता येथील सरपंच संदीप पाटील यांनी मुख्याध्यापक राजेंद्र पाटील हे उपशिक्षक जोशी यांना गटशिक्षणाधिकारी प्रमोद चिंचोले हे यांना पाठीशी घालत असल्यामुळे आमच्या गावातील गोरगरिबांच्या मुलांच्या शिक्षणाचा खेळ खंडोबा होत असल्याचा थेट आरोप त्यांनी केला. व शिस्तभंगाची कारवाई करण्यात यावी अशी मागणी केली.

 मुख्याध्यापक राजेंद्र पाटील👇

तर मुख्याध्यापक राजेंद्र पाटील यांनी स्पष्टीकरण देताना उपशिक्षक शिरीष जोशी यांच्या शासन नियमाप्रमाणे वर्षातील १२ पगारी राजा संपल्यानंतर त्यांनी विनापरवानगी बेकायदेशीर २५ दिवस गैरहजर राहिलेल्या असून याबाबत आम्ही पंचायत समिती नांदगाव पंचायत समितीचे गटशिक्षण अधिकारी प्रमोद चिंचोले यांच्याकडे लेखी पत्र व्यवहार केलेला आहे तरी त्यांच्याकडून अद्याप कुठल्याही प्रकारची कार्यवाही झालेली  नसल्याचे त्यांनी सांगितले.

गटशिक्षण अधिकारी प्रमोद चिंचोले👇

याबाबत गटशिक्षण अधिकारी प्रमोद चिंचोले यांच्याशी भ्रमनध्वनी वरुन चर्चा केली असता त्यांनी सांगितले की, कुसुमतेल येथील जिल्हा परिषदेच्या प्राथमिक शाळेत असलेल्या उपशिक्षक शिरीष जोशी यांच्या गैरवर्तनाबाबत ग्रामस्थ, पालक त्याचप्रमाणे शाळेचे मुख्याध्यापक यांनी लिखित तक्रार आमच्या कार्यालयाकडे दाखल केलेली असून, त्यावरुन उपशिक्षक शिरीष जोशी यांची चौकशी करून त्यांना दोन नोटीस बजावण्यात आल्या आहेत. जोशी यांची वर्तणूक सुधारले नाही तर त्यांना तिसरी नोटीस बजावून थेट शिस्तभंगाची कारवाई करत निलंबनाची निलंबनाची कारवाई बाबत जिल्हा शिक्षण विभागाकडे प्रस्ताव पाठविण्यात येईल असे गटशिक्षणाधिकारी चिंचोले यांनी सांगितले.