होरायझन अकॅडमीत स्वातंत्र्य दिन उत्साहात साजरा.

 Bay- team aavaj marathi 

सिताराम पिंगळे सर पत्रकार मांडवड नांदगाव (नाशिक)

नांदगाव येथील मराठा विद्या प्रसारक समाजाचे होरायझन अकॅडमी  शाळेत 15 ऑगस्ट रोजी ७९ वा स्वातंत्र्य दिन अत्यंत उत्साहात आणि राष्ट्रभक्तीच्या वातावरणात साजरा करण्यात आला. कार्यक्रमाची सुरुवात राष्ट्रध्वज ध्वजारोहण करून करण्यात आला. ध्वजारोहण शालेय व्यवस्थापन समितीचे सदस्य व कार्यक्रमाचे अध्यक्ष उल्हास आहेर यांच्या हस्ते करण्यात आले.यावेळी अशोक पाटील,रामनाथ गायकवाड, डॉ गणेश चव्हाण,सौ.स्नेहल देशमुख, राहुल फोफलिया, आशिष लोढा,केशव पवार, विशाल गायकवाड शालेय प्राचार्या पुनम डी.मढे आदी व्यासपीठावर उपस्थितीत होते. यावेळी विविध सांस्कृतिक कार्यक्रमांचे आयोजित करण्यात आले होते.

विद्यार्थ्यांनी परेड,देशभक्तीपर गीते, भाषणे,देशप्रेम जागवणारे नृत्य सादर करून उपस्थितांची मने जिंकली. विद्यार्थ्यांनी स्वातंत्र्य सैनिकांची वेशभूषा परिधान करून त्यांचे योगदान उजागर केले. जिल्हास्तरीय क्रीडा स्पर्धेत विजयी विद्यार्थ्यांना मान्यवरांच्या हस्ते बक्षीस देण्यात आले. तसेच वकृत्व स्पर्धेतील विद्यार्थ्यांना मान्यवरांच्या हस्ते सन्मानित करण्यात आले. उपस्थित मान्यवर व पालकांनी विद्यार्थ्यांचे भरभरून कौतुक केले.

  शाळेच्या प्राचार्या श्रीमती पूनम मढे यांनी आपल्या भाषणात सांगितले की स्वातंत्र्य दिन हा केवळ एक सण नाही तर आपल्याला आपल्या जबाबदाऱ्या आणि कर्तव्याची जाणीव करून देणारा दिवस आहे. मराठा विद्या प्रसारक समाजाचे नांदगाव तालुका संचालक इंजि. अमित भाऊ बोरसे- पाटील यांनी कार्यक्रमास शुभेच्छा दिल्या. कार्यक्रमाच्या शेवटी सर्व विद्यार्थ्यांना फळांचे वाटप करण्यात आले. कार्यक्रमासाठी मविप्र संस्थेचे सभासद, शालेय व्यवस्थापन समितीचे सदस्य, पालक,विद्यार्थी मोठ्या संख्येने उपस्थित होते.

 कार्यक्रम यशस्वीतेसाठी शालेय शिक्षक शिक्षिका शिक्षकेतर कर्मचारी यांनी मेहनत घेतली सूत्रसंचालन श्रीमती शरयू आहेर यांनी केले व आभार श्रीमती दिपाली भामरे यांनी मानले.