पिनाकेश्वर घाटात पुन्हा येथे भाविकांच्या ट्रॅक्टरसह ट्राली दोनशे फूट दरीत २ महिला भाविकांचे निधन तर ११ जखमी, चार दिवसात दुसरी घटना

 Bay -team aavaj marathi 

नांदगाव तालुक्यातील जातेगाव पासून सात किलोमीटर अंतरावरील डोंगरावर रविवार दि. १७ रोजी ५ वाजेच्या सुमारास असलेल्या श्री क्षेत्र पिनाकेश्वर महादेवाचे दर्शनासाठी आलेल्या भाविकांचे ट्रॅक्टर देवदर्शन करून घाट उतरत असताना अगदी शेवटच्या टप्प्यावर ट्राली सह सुमारे दोनशे फूट खोल दरीत गेल्याने ट्रालीमध्ये बसलेल्या पैकी कांताबाई नारायण गायके (वय ५६), कमलबाई जगदाळे (वय ६२) या दोन महिलांना डोक्याला व इतर ठिकाणी मार लागल्याने त्यांची प्रकृती गंभीर होती. त्यांच्यावर इस्पितळात पोहोचण्यापूर्वी निधन झाले.

तर चेतन प्रकाश कवडे, प्रणिता प्रकाश कवडे, माया प्रकाश कवडे, अप्पा सोपान राऊत, श्रावणी अप्पा राऊत, कल्याणी राजेंद्र कवडे, साई कवडे, प्रगती सोमनाथ नवले, आदित्य योगेश कवडे, हे भाविक देखील जखमी झालेले असून वरील सर्वांवर बोलठाण येथील प्राथमिक आरोग्य केंद्रात प्रथमोपचार करून छत्रपती संभाजी नगर येथील घाटी या शासकीय रुग्णालयात अधिक उपचारासाठी पाठविण्यात आले आहे.

वरील घटना घडताच प्रत्यक्षदर्शी भाविक तसेच पर्यटकांनी परिस्थितीचे गांभीर्य ओळखून तत्काळ खोल दरीत उतरत सर्व जखमींना बाहेर काढून स्वतःच्या वाहनामध्ये प्राथमिक आरोग्य केंद्र पर्यंत पोहोच केले. घटनेची माहिती मिळताच पोलीस निरीक्षक दिगंबर भदाने यांनी प्रत्यक्ष घटनास्थळी भेट देऊन पाहणी करून पोलिस हवालदार भास्कर बस्ते पोलिस शिपाई परमेश्वर श्रीखंडे, होमगार्ड ऋषिकेश पठाडे, गणेश इप्पर यांना मार्गदर्शन केले. 

चार दिवसात अपघाताची ही दुसरी घटना असून दि १४ रोजी आज झालेल्या अपघातापासून हाकेच्या अंतरावर येवला तालुक्यातील उंदीर वाडी येथील भाविकांचा दिंडीतील ट्रॅक्टरची ट्राली पलटी झाल्याने देविदास दौलतराव सोनवणे (वय ५५) हे उपचारापूर्वीच मयत तर पंढरीनाथ जाधव (वय ६२) यांना छातीला आणि डोक्याला गंभीर मार लागल्याने गंभीर जखमी झाले होते. तर राधा कीसन शिरसागार (वय ६०) साई पवार (वय १६)कृष्णा धामणे (वय १४) त्यांच्यावर उपचार सुरू आहेत.