न्यायडोंगरी आश्रम शाळेत प्रश्नमंजुषा व बालनाट्य स्पर्धा जल्लोषात 🎭📚

 Bay- team aavaj marathi 

हेमराज वाग पत्रकार न्यायडोंगरी नांदगाव {नाशिक}

नांदगाव तालुक्यातील श्री. शनैश्वर सेवाभावी संस्था नांदगाव संचलित स्व. गंगाधर (अण्णा सो) शिवराम आहेर अनुदानित प्राथमिक, माध्यमिक व उच्च माध्यमिक आश्रम शाळा, न्यायडोंगरी येथे प्रश्नमंजुषा व बालनाट्य स्पर्धेचे आयोजन करण्यात आले.

या स्पर्धेत विद्यार्थ्यांनी ज्ञान, कला व सृजनशीलता यांचा उत्कृष्ट संगम सादर केला. प्रश्नमंजुषा विशेषतः आदिवासी जननायक व क्रांतिकारक बिरसा मुंडा यांच्या जीवन कार्यावर आधारित होती.विद्यार्थ्यांनी त्यांच्या जीवनप्रवास, उलगुलान चळवळ, आदिवासी स्वाभिमान व स्वातंत्र्य लढ्यातील योगदान या विषयांवर अचूक उत्तरे देत प्रेक्षकांची दाद मिळवली.

तर बालनाट्य स्पर्धेत विद्यार्थ्यांनी सामाजिक विषयांवर संदेश प्रधान नाटिका सादरीकरणात करून प्रेक्षकांचे मन जिंकले. विशेष म्हणजे विद्यार्थ्यांनी सादर केलेली मूक नाटिका व पथनाट्य ही स्वच्छतेचा संदेश देणारी होती, ज्यामुळे प्रेक्षकांना स्वच्छतेचे महत्त्व पटवून देण्यात आले.

या कार्यक्रमात सर्व शिक्षक, शिक्षकेतर कर्मचारी व विद्यार्थी यांनी पूर्ण हिरीरीने सहभाग घेतला, ज्यामुळे कार्यक्रम अधिक उत्साहवर्धक ठरला. अशा उपक्रमांमुळे विद्यार्थ्यांच्या अंगभूत कला, ज्ञान आणि आदिवासी इतिहासाबद्दल ची जागरूकता वाढीस लागते, असे मत शिक्षकवर्ग व पालकांनी व्यक्त केले.

---