ओबीसी समाजाच्या आरक्षणावर कुठल्याही प्रकारची कुरघोडी न होता त्यांचे शैक्षणिक राजकीय आरक्षणाचे न्याय - हक्क अबाधित ठेवण्यासाठी सकल ओबीसी संघटन उमरखेड च्या वतीने संवाद दौरा चालू असून त्या अनुषंगाने ओबीसी समाजाची विडूळ सर्कल येथे माजी सरपंच विकास मुलंगे, माजी जी.प. सदस्य संदीप हिंगमिरे, डॉ. शिवचरण हिंगमिरे यांच्या पुढाकाराने आयोजित कारणात आली होती.
बैठकीस संबोधित करण्यासाठी व्यासपीठावर ओबीसी नेते ॲड. संतोष जैन,बाळासाहेब चंद्रे, सुनिल पाटील चिंचोलकर, दिलीप सुरते यांची प्रमुख उपस्थिती होती. मान्यवरांकडून उपस्थित ओबीसी बांधवांना विविध विषयी मार्गदर्शन करण्यात आले. सरकारच्या निर्णयामुळे ओबीसी घटकातील समाजावर मनात अन्याय झाल्याची भावना त्यांनी व्यक्त केल्या.
सरकारच्या या निर्णयामुळे ओबीसी समाजावर होणाऱ्या दूरगामी परिणामांची सुद्धा चिंता व्यक्त केली. ओबीसी बांधवांनी १७ सप्टेंबर रोजी उमरखेड येथे होणाऱ्या ओबीसी च्या एल्गार मेळाव्याला मोठ्या संख्येने उपस्थित राहण्याचा निर्धार यावेळी त्यांनी बोलून दाखविला. यावेळी विडुळ येथील ओबीसी समाज बांधव मोठा संख्येने उपस्थित होते.
0 Comments