लेट लतीफ दांडी बहाद्दर शिक्षकाचे ग्रामस्थांनी केले औक्षण

 Bay- team aavaj marathi 

Special report  दि. 17...

 नांदगाव तालुक्यातील सह्याद्री पर्वत रांगेतील डोंगराच्या कुशीत वसलेल्या कुसुमतेल येथील जिल्हा परिषद प्राथमिक शाळेत कार्यरत असणार्या लेट लतीफ / दांडी बहाद्दर शिक्षकाचे ग्रामस्थांनी बुधवार दि. १७ रोजी दुपारी एक वाजता शाळेत हजर झालेल्या औक्षण करून स्वागत केले.

या बाबत सविस्तर वृत्त असे की, कुसुमतेल येथील जिल्हा परिषद प्राथमिक शाळेत कार्यरत असणार्या प्राथमिक शिक्षक शिरीष मंगलनाथ जोशी हे वारंवार विविध कारणे सांगून कोणत्याही प्रकारची रजा शिल्लक नसताना शैक्षणिक कामकाजास गैरहजर राहतात. त्यांच्याकडे इयत्ता पाचवी चा वर्ग असून वर्गातील विद्यार्थ्यांची संख्या ४५ इतकी आहे. त्यामुळे विद्यार्थ्यांचे शैक्षणिक नुकसान होत असून, त्यांनी गोरगरिबांच्या विद्यार्थ्यांना विविध स्पर्धा परीक्षांपासून वंचित ठेवलेले आहे.

 यापूर्वीही त्यांचे बाबत दैनिक सकाळ वृत्तपत्रात दिनांक ३१ ऑगस्ट रोजी बातमी प्रसिद्ध झाली होती परंतु पंचायत समितीच्या शिक्षण विभाग यांचे मार्फत आज पर्यंत शिक्षक शिरीष जोशी यांची कोणत्याही प्रकारची चौकशी केली गेली नाही. मुख्याध्यापक पाटील हे त्यांचा दर महिन्याचा पूर्ण पगार अदा करत असल्यामुळे ते निर्भीडपणे दांड्या मारत आहेत. शाळा व्यवस्थापन समिती अध्यक्ष, उपाध्यक्ष, सरपंच, उपसरपंच, मुख्याध्यापक, शिक्षक सर्व मिळून शाळेतील अनुदान, शिष्यवृत्ती व इतर बाबींचा अपहार करतात असा खोटा आरोप करतात. 

त्याचप्रमाणे शैक्षणिक काम सोडून शाळेतील इतर शिक्षकांविषयी ते वेगवेगळ्या अफवा पसरवून शाळेची व गाव ची बदनामी करणे वेगवेगळ्या लोकांच्या माध्यमातून दूरध्वनी वरून फोन करून ग्रामस्थांवर दबाव टाकण्याचा प्रयत्न उद्योग हे लेटलतीफ शिक्षक शिरीष जोशी करतांना आढळून आले.
 गट शिक्षणाधिकारी प्रमोद चिंचोले यांना मुख्याध्यापक राजेंद्र पाटील यांनी जोशी हे शाळेत वेळेवर उपस्थित न राहणे, शाळेत उशिरा येणे इत्यादी विषयांवर लेखी तक्रार केली तसेच ग्रामस्थ व सरपंच संदीप पाटील यांनी दूरध्वनीवरून संभाषण केले असता, सदर शिक्षका विरुद्ध कारवाई प्रस्तावित करतो असे आश्वासन देऊन ग्रामस्थांची दिशाभूल करत आहेत. असे सरपंच संदीप पाटील यांनी सांगितले.

  बुधवारी देखील जोशी हे १२.५० वाजता शाळेत उपस्थित कामी आले असता शाळा व्यवस्थापन समिती अध्यक्ष संजय जगताप, उपाध्यक्ष संजय गावंडे व शाळा व्यवस्थापन समिती सदस्य तसेच ग्रामपंचायत कुसुम तेल सरपंच संदीप पाटील उपसरपंच काळू भुतांबरे माजी सरपंच रामदास गावंडे व ग्रामपंचायत सदस्य व इतर पदाधिकारी आणि पालक वर्ग ( पुरुष व महिला) मोठ्या संख्येने उपस्थित राहून सर्वांनी मिळून त्यांचे औक्षण केले. 

यावेळी शिक्षक जोशी यांनी मुख्याध्यापकांना माझी तब्येत ठीक नसल्यामुळे मला राजा पाहिजे आहे. असा अर्ज दिला असता, मुख्याध्यापक पाटील यांनी आपल्या राजा संपलेल्या असून मला रजा देता येणार नाही, असे लेखी उत्तर त्यांना दिले.