स्व. गंगाधर (आण्णासाहेब) शिवराम आहेर चैतन्य दिन गोवर व रूबेला लसीकरण मोहीम कार्यक्रमाचे आयोजन

 Bay -team aavaj marathi 

 शशिकांत पाटील पत्रकार न्यायडोंगरी, नांदगाव (नाशिक)

श्री.शनैश्वर सेवाभावी संस्था नांदगाव संचलित स्व. गंगाधर (अण्णा सो.) शिवराम आहेर आदि. अनुदानित प्राथमिक, माध्यमिक व उच्च माध्यमिक आश्रम शाळा, न्यायडोंगरी येथे दिनांक १५ सप्टेंबर रोजी गोवर व रूबेला लसीकरण मोहीम  उत्साहात पार पडली.या कार्यक्रमापूर्वी स्व. अण्णासाहेबांच्या समाधी स्थळी तसेच विद्यालय परिसरात प्रतिष्ठित व व्यक्ती जेष्ठ नागरिकांच्या हस्ते दीपप्रज्वलन, पुष्पहार अर्पण व पूजन करण्यात आले. त्यानंतर मान्यवर आश्रमशाळेत दाखल झाले.

प्रमुख अतिथी म्हणून तालुका वैद्यकीय अधिकारी डॉ. संतोष जगताप, आरोग्य विस्तार अधिकारी अमोल कठाळे,डॉ. शुभम आहेर (वैद्यकीय अधिकारी, डॉ. दत्तात्रय मोरे (B.P.H.U.) तसेच प्राथमिक आरोग्य केंद्राचे सर्व कर्मचारी उपस्थित होते. या वेळी विद्यार्थ्यांना आरोग्य विषयक मार्गदर्शन करण्यात आले. व सुरक्षिततेसाठी गोवर व रूबेला लसीकरण करण्यात आले. संस्थेचे सरचिटणीस मा.आ.अनिल दादा आहेर, संस्थेचे खजिनदार व कृषी उत्पन्न बाजार समितीचे सभापती श्री. दर्शन भाऊ आहेर यांच्यासह नातेवाईक व ग्रामस्थ मोठ्या संख्येने उपस्थित होते.