खा.भगरे यांनी केली बांधावर जाऊन शेतीच्या नुकसानीची पाहणी

 Bay -team aavaj marathi 

शशिकांत पाटील पत्रकार न्यायडोंगरी नांदगाव (नाशिक)

नांदगाव तालुक्यात अतिवृष्टी मुळे झालेल्या नुकसानीची पहाणी करण्यासाठी दिंडोरी मतदार संघाचे खासदार भास्कर भगरे यांनी तालुक्यातील नागापूर, पानेवाडी , मोहेगांव, भालुर, लक्ष्मीनगर, मांडवड , मोरझर, पोखरी, जळगाव खुर्द, पिंपरखेड,न्यायडोंगरी, फुलेनगर या गावातील झालेल्या शेतातील नुकसानीची पाहाणी करत नुकसान झालेला एक ही शेतकरी पंचनाम्यापासुन वंचित राहता कामा नये. सर्व नुकसान झालेल्या शेतकरी बांधवांना नुकसान भरपाई मिळावी पाहिजे असे आदेश देत झालेली नुकसान ही आपण स्वतः केलेली नसुन निसर्गापुढे कोणाचेही काही चालत नाही. मात्र तुम्ही खचून जाऊ नका नव्या जोमाने उभे रहा असा आधार देत शेतकरी नागरिकांशी भावनिक संवाद साधला.

संपूर्ण तालुक्यात पावसाने अक्षरशः थैमान घातले आहे पाऊस थांबून दोन दिवस झाले तरीही अजूनही मका, बाजरी, कांदे ई.सर्व पिकांमध्ये गुडघ्याच्या पर्यंत पाणी आहे काही ठिकाणी तर ते पिक सोडून देण्यात जमा आहे वरील प्रत्येक गावात शेतकरी नागरिक अत्यंत हतबल होत आपली व्यथा आणि कथा खासदार भगरे यांच्या समोर मांडत होते.

भालुर येथील एक ७० वर्षाचे आजोबा तर खासदार भगरे यांना आपल्या शेतातील नुकसान दाखविण्यासाठी आपल्या शेतातील मोड आलेले मका कणीस आणि खराब झालेले कांदा रोप दाखविण्यासाठी सोबत घेऊन आले होते. तर मोहेगांव येथील पावसाचे पाणी आदिवासी वस्तीतल्या घरात गेल्याने घरातील सर्व सामान आणि संसार उपयोगी वस्तू पुर्णतः खराब झाल्याचे पाहणी खासदार भगरे यांनी स्वतः आदिवासी वस्तीत जात पाहाणी केली.

तर लक्ष्मीनगर येथे सर्व शेतकरी यांनी आपले पंचनामे अधिकारी यांच्या समक्ष करून घ्या कुठल्याही प्रकारची हायगय करु नका सर्वांना भरपाई मिळाली पाहिजे एक ही शेतकरी सुटता कामा नये असा आदेश आपल्या सोबत असणाऱ्या प्रशासकीय अधिकारी यांना दिले.

खा. भगरे यांच्या समवेत राष्ट्रवादी (शरद पवार गट) चे तालुकाध्यक्ष महेंद्र बोरसे, तहसीलदार सुनील सौंदाणे, गटविकास अधिकारी श्री श्रीकृष्ण खताळे, कृषी अधि. रवींद्र डमाळे, तलाठी सचिन ढगे, कृषी सहाय्यक रवींद्र आहीरे त्याचप्रमाणें.सागर पवार, गोविंद सोमासे,सखाराम भुसनर, आण्णा काकळीज, साहेबराव गायकवाड, विठ्ठल आहेर, संजय आहेर, समाधान थेटे,सुशील आंबेकर, विठ्ठल आहेर, दत्ता निकम, रमेश निकम, गणपत निकम तसेच लक्ष्मीनगर येथील दिनकर सोनवणे, योगेश सोनवणे, पुंजाराम जाधव, संजय उगले डॉ. अंकुश उगले आदी नागरिक उपस्थित होते... 




Post a Comment

0 Comments