अतिवृष्टीने मांडवड च्या रस्त्यांची वाताहत, नागरिक त्रस्त तत्काळ दुरुस्ती मागणी

 Bay- team aavaj marathi 

सिताराम पिंगळे सर पत्रकार मांडवड नांदगाव (नाशिक)

 नांदगाव तालुक्यातील मांडवड परिसरामध्ये गेल्या काही दिवसापासून सुरू असलेल्या पावसामुळे गावातील मुख्य व उपरस्त्यांची अवस्था अत्यंत दयनीय झाली आहे. पावसाच्या पाण्यामुळे रस्त्यावर मोठे मोठे खड्डे पडले असून काही ठिकाणी रस्ता पूर्णपणे वाहून गेल्यामुळे नष्ट झाला आहे. या रस्त्याने शाळकरी मुले, वृद्ध ,शेतकरी, तसेच सामान्य नागरिक दररोज करत असतात मात्र सध्या रस्त्यावरून चालणे देखील धोकादायक बनले आहे. 

मांडवड- हिसवळ रस्त्यावरील वाहून गेलेला फरशी पूल   पाण्यातून मार्ग काढताना नागरिक

शाळकरी मुलांची शिक्षण व रुग्णांची दवाखान्यात जाण्याची सोय यावर याचा थेट परिणाम होताना दिसत आहे. आपात्कालीन परिस्थितीत रुग्णवाहीका पोहचवणे देखील अवघड झाले आहे.तालुक्यातील लोकसंख्येने मोठे गाव म्हणून मांडवड चे नाव घेतले जाते त्यात बाराखडी, हाडोळे, इनाम, नवाट असे मुख्य चार शिवार आहेत. 

शिवार रस्त्यांची झालेली दयनीय
 अवस्था

गावातील नागरिकांचा मुख्य व्यवसाय शेती असून आठ ते दहा दिवसापासून सुरू असलेल्या पावसाने शेती व शेती पिकांचे मोठे नुकसान केलेले आहे त्याचबरोबर शिवार रस्ते व मुख्य रस्ते यांची देखील दुर्दशा झाली        आहे. त्यामुळे दळणवळणाची गंभीर समस्या निर्माण झाली आहे. स्थानिक प्रशासनाकडून या समस्येकडे लवकरात-लवकर लक्ष देऊन रस्त्यांच्या समस्या कडे लक्ष द्यावे असे स्थानिक शेतकरी व नागरिकांकडून मागणी होत आहे.

  

परिसरात झालेल्या अतिवृष्टीमुळे शाकंबरी नदीवरील मांडवड -हिसवळ रस्त्यावरील फरशी पूल वाहून गेला त्यामुळे शाळकरी मुले, शेतकरी यांना जीव धोक्यात घालून जाणे- येणे करावे लागत आहे. वाहतूक पूर्णपणे बंद झाल्याने स्थानिक मेटाकुटीला आले आहेत. लवकरात लवकर फरशी पूलाचे काम व्हावे. तसेच तत्काळ नुकसानग्रस्त भागाची यांची पाहणी करून दुरुस्तीच्या कामांना गती द्यावी. कायमस्वरूपी दर्जेदार रस्त्यांची निर्मिती व्हावी. स्थानिक प्रशासनाने समस्यांकडे प्रथम लक्ष द्यावे. मुख्य रस्ते व उपरस्त्यांची कामे लवकरात लवकर सुरू करावे अशी मागणी त्यांनी प्रशासनाकडे केली आहे. प्रशांत आहेर माजी सरपंच मांडवड यांनी केली आहे.