मुळडोंगरी अतिवृष्टी आणि पुराच्या पाण्यामुळे मोठ्या प्रमाणात नुकसान

 Bay- team aavaj marathi 

हेमराज वाग पत्रकार न्यायडोंगरी नांदगाव (नाशिक)

नांदगाव तालुक्यातील मुळडोंगरी येथील ग्यानी च्या नाल्यावरील गट नंबर ४२ व ४५ मध्ये असलेला मातीबांध फुटल्यामुळे  चंद्रकांत गोविंद मढवई (गट नंबर ३७/२) अरुण रमेश मढवई (गट नंबर ३७/२) आणि प्रशांत संजय मोरे (गट नंबर ४१) यांचे शेतातील मका पिकासोबत, शेतातील माती आंब्याची झाडे वाहून गेले. ओढ्याच्या काठावर असलेल्या विहीरीचे बांधकाम पाण्याच्या दाबामुळे तसेच भराव खचल्याने विहीरी बुजल्यागेल्या.

सदरचा माती बांध अतिशय निकृष्ट दर्जाचा दोन अडीच वर्षांपूर्वीच बनवलेला होता. बांधाचे काम एमआरजीएस अंतर्गत न करता पोकलॅण्ड आणि जेसीबी मशीनच्या साह्याने करण्यात आले. त्यामुळे केलेला मातीबांध पोकळपणा असल्याने शेतीचे नुकसान झाले असल्याचे त्यांनी सांगितले. व झालेल्या नुकसानीचे पंचनामे करून नुकसान भरपाई मिळावी अशी मागणी वरील शेतकरी बांधवांनी केली आहे.