मांडवड परिसरात वादळी वाऱ्यासह जोरदार पावसाचे थैमान, शेतीसह शेतीमालाचे प्रचंड नुकसान पंचनाम्याची मागणी

 Bay -team aavaj marathi 

सिताराम पिंगळे सर पत्रकार मांडवड नांदगाव (नाशिक)

नांदगाव तालुक्यात पावसाच्या दोन दिवसाच्या विश्रांतीनंतर आज दि.२७ रोजी सायंकाळी पाच वाजेपासून वादळी वाऱ्यांसह पावसाने पुन्हा एकदा मांडवड परिसरात थैमान घातला. या पावसाने शेतीमाल आणि शेतीचे प्रचंड नुकसान झाले आहे, झालेल्या नुकसानीचे पंचनामे करून नुकसान भरपाईची मागणी करणेबाबत मागणी होत आहे.

नांदगाव तालुक्यातील मांडवड परिसरात खरीप हंगामा मध्ये मका,कपाशी,तूर,भुईमूग, कांदे इ. मुख्य पिकांची लागवड शेतकरी राजाने केली आहे. या पिकांना योग्य मशागत खते औषधे देऊन एकरी लाखो रुपयांचे खर्च करून पोटच्या मुलासारखे जतन करून मोठे केले आता मका,कपाशी,बाजरी, भुईमूग इ.पिके कापणी ला आली आहेत. 

परंतु गेल्या आठ ते दहा दिवसांपासून पावसाने अक्षरशः हा परिसर झोडपून काढला आहे त्यात काल आणि आज झालेल्या पावसाने शेतीसह शेती पीकांचे प्रचंड नुकसान झाले.

काल सायंकाळपासून सुरू झालेला पाऊस मांडवड, लक्ष्मीनगर, भालूर, सोयगाव, मोहेगाव, मोरझर, हिसवळ इ. जोरदार पाऊस झाला. या परिसरामध्ये झालेल्या पावसामुळे शेती पिकांचे मोठे नुकसान झाले हाता तोंडाशी आलेला घास आसमानी संकटाने डोळ्यासमोर वाहून जात असल्याने बळीराजाच्या डोळ्यात अश्रू अनावर झाले. 

शासनाने लवकरात लवकर झालेल्या नुकसानीचे पंचनामे करून शेतकऱ्यांना तत्काळ मदत करावी अशी मागणी शेतकरी वर्गाकडून केली जात आहे.

*शाकांबरी नदीला २००९नंतर मोठा पूर*

 मांडवड परिसरामध्ये झालेल्या अतिवृष्टीमुळे नांदगाव तालुक्यातील शाकंभरी नदीला पूर आला आहे. प्रशासनाकडून नदीकाठच्या नागरिकांना सतर्कतेचा इशारा देण्यात आला आहे. २००९ नंतर तालुक्यात पुन्हा एकदा शाकंभरी नदीला मोठा पूर नांदगाव मांडवड वाहतूक झाली बंद.

 २७ तारखेला झालेल्या अतिवृष्टीमुळे आमच्या शेतातील संपूर्ण पिकाचे अतोनात नुकसान झाले संपूर्ण दोन एकर कांदे व दोन एकर माका पूर्ण भुई सपाट झाली व पाण्याखाली गेली तसेच शेतातील माती देखील खूप वाहून गेली आहे तरी प्रशासनाला विनंती आहे लवकरात लवकर आमच्या बांधावर येऊन पंचनामा करावा व नुकसाभरपाई लवकरात लवकर मिळावी तसेच पंचक्रोशीतील सर्व शेतकऱ्यांचे खूपच नुकसान झालेले आहे शासनाकडे आता नुकसान भरपाईची व सरसकट कर्जमाफीची अपेक्षा आम्ही करतो

राजेंद्र थेटे

शेतकरी मांडवड

*प्रशासनाने शेतकऱ्यांना सरसकट भरपाई द्यावी*

अतिवृष्टीमुळे शेतकऱ्यांच्या शेतात काढणीस आलेल्या पिकांचे तसेच शेतमालाचे मोठे नुकसान झाले आहे. काही ठिकाणी घरांच्या भिंती कोसळल्या मांडवड परिसरात झालेल्या अतिवृष्टीमुळे परिसरातील नागरिकांची मोठे नुकसान झाले असल्याने शेतकऱ्यांना सरसकट भरपाई देण्यात यावी.

* इंजि.सागर जयवंत आहेर*

युवा नेते, मांडवड