विनाकारण घराबाहेर पडू नका, जेष्ठ नागरिक व लहान मुलांची काळजी घ्या- आ. कांदे यांचे आव्हान

Bay -team aavaj marathi 

नांदगाव तालुक्यात होत असलेल्या अतिवृष्टीमुळे तालुक्यातील  लहान मोठे सर्वच धरने पाझर तलाव इत्यादी पुर्ण क्षमतेने पाण्याने तुडुंब भरल्याने नद्या नाले दुथडी भरून वाहत आहेत. अनेक ठिकाणी रहदारीच्या रस्त्यावर असलेल्या पुलावरुन मोठ्या प्रमाणात पाणी आले आहे. अजुनही पावसाचे वातावरण निवडलेले नाही. अशा परिस्थितीत नागरिकांनी विनाकारण घराबाहेर पडू नये. विशेषतः लहान मुले त्याच प्रमाणे वयोवृद्ध जेष्ठ नागरिक यांची काळजी घ्यावी. नदी काठच्या रहिवासी व शेतकरी बांधवांनी आपल्या पाळीव प्राण्यांची आणि आपली स्वतःची काळजी घ्यावी. असे आवाहन नांदगाव तालुक्याचे आ. सुहास अण्णा कांदे यांनी नागरिकांना केले आहे.

यावेळी बोलताना आ कांदे म्हणाले की, शनिवारी सायंकाळ पासून आभाळ फाटल्या सारखा सर्वत्र पाऊस कोसळत आहे. हवामान खात्याने अजूनही पुढील दोन दिवस मुसळधार पावसाचा इशारा दिला आहे. कष्टाने उभे केलेले आपले शेत, शिवार, पिके हे सर्व या पावसामुळे मोठ्या प्रमाणावर प्रभावित होत आहेत..या मुसळधार पावसामुळे शेतकऱ्यांच्या कष्टाची उधळण होत आहे, याची मला पूर्णतः जाणीव आहे.

माझ्या शेतकरी बांधवांनो, काळजी करू नका, शासन आपल्या पाठीशी ठाम उभे आहे..आपण झेलत असलेले नुकसान भरून निघावे यासाठी सर्वतोपरी प्रयत्न केले जातील. आपली हानी ही माझी हानी आहे, आपला वेदना ह्या माझा वेदना आहे.. या सगळ्यांत एक गोष्ट सर्वांत महत्त्वाची आहे..ती म्हणजे आपल्या प्रत्येक जनतेचा जीव आणि सुरक्षितता... मी आपल्याला हात जोडून विनंती करतो की, विनाकारण घराबाहेर पडू नका. ओढे-नाले, पूल, पाण्याने भरलेले रस्ते टाळा. आपल्या मुलांवर, वृद्धांवर लक्ष ठेवा.ही नैसर्गिक आपत्ती आहे..आपल्याला धैर्याने, शांतीने आणि सावधगिरीने याचा सामना करायचा आहे.आपण सुरक्षित राहिलात, तर नुकसान भरून निघेल शासनाची मदत आपल्या सोबत असेलच.

संकटाच्या या काळात आपण एकमेकांना धीर द्यायचा, मदतीचा हात द्यायचा, आणि गावोगावी सावधगिरी पाळायची. आपली सुरक्षितता हेच माझ्यासाठी खरे प्राधान्य आहे.आपल्या सर्वांना पुन्हा एकदा विनंती.. घरातच राहा, काळजी घ्या, सुरक्षित राहा. आपले सुख दु:ख हेच माझे कर्तव्य आहे. आणि ते निभविण्यासाठी मी कायम आपल्या पाठीशी उभा आहे. असे कळकळीचे आवाहन आ. सुहास अण्णा कांदे यांनी केले आहे.