नांदगाव येथील मराठा विद्या प्रसारक समाजाच्या कला, वाणिज्य आणि विज्ञान या महाविद्यालयाने नुकत्याच चांदवड येथील एस.एन.जे.बी.चे आर्ट्स कॉमर्स व सायन्स कॉलेज, चांदवड जि.नाशिक येथे पार पडलेल्या सावित्रीबाई फुले विद्यापीठ पुणे व विद्यार्थी विकास मंडळ अंतर्गत होणारा युवकांचा महोत्सव म्हणजे 'जल्लोष २०२५' या आंतरमहाविद्यालयीन स्पर्धेत नेत्रदीपक यश मिळवले.
स्पर्धेत महाविद्यालयाच्या विद्यार्थ्यांनी विविध कला प्रकारांमध्ये सहभाग घेऊन आपल्या प्रतिभेची चुणूक दाखवली.विशेष म्हणजे, प्रथम वर्ष बीएससी ची विद्यार्थिनी आदिती घोटेकर हिने समूह गायन आणि शास्त्रीय गायन या दोन्ही प्रकारांमध्ये दुसऱ्या क्रमांकाचे पारितोषक मिळवून महाविद्यालयाची मान उंचावली. तिच्या या यशाने सर्वांचे लक्ष वेधले. त्याचप्रमाणे आणखी एक विद्यार्थिनी सृष्टी शेलार हिने आपल्या प्रभावी वाणीने उपस्थितांना थक्क केले.
तिने वक्तृत्व स्पर्धेत द्वितीय क्रमांकाचे पारितोषक पटकावले, तर वाद-विवाद स्पर्धेत तिने सुवर्णपदक जिंकून दिले.विद्यार्थ्यांच्या यासाठी महाविद्यालयातील सांस्कृतिक विभाग प्रमुख प्राध्यापक बालाजी मोरे यांचे मोलाचे मार्गदर्शन लाभले. तसेच विद्यार्थी कल्याण अधिकारी डॉ. अतुल मदने यांनीही विशेष सहकार्य केले.या प्रसंगी विद्यार्थ्यांच्या उत्तुंग यशाबद्दल संस्थेचे नांदगाव तालुका संचालक अमित बोरसे- पाटील यांनी विद्यार्थी व प्राध्यापकांचे अभिनंदन केले.
तसेच महाविद्यालयाचे प्राचार्य डॉ. आर.एन भवरे त्याचबरोबर उपप्राचार्य डॉ.एस. ए. मराठे त्यांनी विद्यार्थ्यांच्या कलागुणांचे कौतुक करत त्यांना पुढील वाटचालीस शुभेच्छा दिल्या. विद्यार्थ्यांच्या यशाबद्दल तालुक्यातील विविध मान्यवरांकडून विद्यार्थ्यांना शुभेच्छा दिल्या जात आहेत.
0 Comments