चांदेश्वरी घाटात पुलाचा सिमेंट पाईप फुटल्याने मोठे भगदाड चाळीस किलोमीटर रस्त्याची झाली चाळण अपघाताची शक्यता

 Bay -team aavaj marathi 

Special report bye -awaaj Marathi

 दि.२१...

नांदगाव तालुक्यातील जातेगाव बोलठाण मार्गे देशातील उत्तरेकडील राज्यांना मराठवाडा आणि दक्षिणेतील राज्यांना जोडणारा व कनेक्टिव्हिटी साठीचा जवळच्या कासारी जवळील चांदेश्वरी या अवघड वळणाच्या घाटातील रस्त्याची मोठमोठे खड्डे पडल्याने व घाटातील चढाईच्या ठिकाणी असलेल्या पुलाच्या सिमेंट पाईप ला मोठे भगदाड पडले असूनऔट्राम घाट बंद करण्यात आल्याने मनेगाव फाटा-बोलठाण जातेगाव, कासारी ते मन्ह्याड फाटा या ४० किलोमीटर रस्त्याची चाळण झाल्याने वाट लागली आहे. 

म्हसोबा मंदिराजवळील पुलावर पाडलेले भगदाड 

सविस्तर वृत्त असे की, छत्रपती संभाजी नगर जिल्ह्यातील कन्नड येथून चाळीसगाव कडे जाणाऱ्या रस्त्यावरील औट्राम घाट गेल्या वर्षभरापूर्वी उच्च न्यायालयाच्या आदेशाने अवजड वाहनांसाठी बंद केल्यामुळे त्या रस्त्याने जाणारी वाहतूक शिउर बंगला - लोणी - तलवाडा मार्गाने वळविण्यात आली होती. परंतु तलवाडा ते कासारी या गावच्या मध्यवर्ती ठिकाणी वन विभागाच्या हद्दीतून असलेल्या रस्त्यावरील घाटात एक फुटांपेक्षा अधिक खोल मोठमोठ्या खड्डे पडल्याने देशातील दक्षिण- उत्तरे कडील राज्यांमध्ये जाणारे मोठमोठे मालवाहू ट्रक खाजगी लक्झरी बसेस, तापी नदीची वाळू वाहतूक करणारे शेकडो वाहने आणि बोलठाण येथे बाजार समिती असल्याने तेथे शेतातील माल विक्रीसाठी येणारे असे रात्रंदिवस दररोज हजारो वाहनांच्या अतिरिक्त वाहतूक सुरू झाल्याने कासारी जवळील चांदेश्वरी घाटातील रस्त्याची मोठ्या प्रमाणात दुरवस्था झाली असून मोठमोठे खड्डे पडले आहेत. 

अतिरिक्त वाहतुकीमुळे रस्त्याची झालेली वाताहत 

त्यामुळे दररोज अनेक वाहने नादुरुस्त होवून रस्त्यावर उभी राहिल्याने रहदारी ठप्प होत असल्याने स्थानिक नागरिकांना मनस्ताप सहन करावा लागत आहे. खड्डे चुकवतांना अपघात होण्याची शक्यता नाकारता येत नाही. तसेच घाटात अवघड चढण असल्या ठिकाणी म्हसोबा मंदिराजवळील पुलाची सिमेंट ची नळीला मोठे भगदाड पडल्याने चालकाची तारांबळ उडाल्यास अपघात होण्याची शक्यता आहे. याच घाटात अवघड वळणाच्या ठिकाणी कमकुवत बांधकाम करण्यात आलेली संरक्षण भिंत पडल्याने या ठिकाणी अनेक वाहने खोल दरीत गेल्यामुळे अनेकांचे जीव गेलेले आहेत. याबाबत नांदगाव येथील सार्वजनिक बांधकाम उप विभागाच्या उदासीनतेमुळे कुठल्याही प्रकारची उपाययोजना करण्यात आलेली नसल्याचे दिसून येते. 

घाटातील अवघड वळणाच्या ठिकाणी कमकुवत बांधकाम करण्यात आलेली निखळून पडलेली संरक्षण भिंत 

एकंदरीत औट्राम घाट बंद करण्यात आल्याने मनेगाव फाटा, बोलठाण जातेगाव, कासारी ते मन्ह्याड फाटा या ४० किलोमीटर रस्त्याची चाळण झाल्याने वाट लागली आहे. या रस्त्याची तत्काळ दुरुस्ती करण्याची मागणी होत आहे.