होरायझन अकॅडमीत शिक्षक दिन उत्साहात साजरा.

 Bay- team aavaj marathi 

सिताराम पिंगळे सर पत्रकार मांडवड नांदगाव (नाशिक)

मराठा विद्या प्रसारक समाजाचे होरायझन अकॅडमी नांदगाव येथील शाळेत आज रोजी शिक्षक दिन मोठे उत्साहात व आनंदात साजरा करण्यात आला. भारताचे माजी राष्ट्रपती व महान शिक्षणतज्ञ डॉक्टर सर्वपल्ली राधाकृष्णन यांच्या जयंतीनिमित्त हा दिवस विविध कार्यक्रमांनी साजरा करण्यात आला.

 कार्यक्रमाची सुरुवात सकाळी प्रार्थनेने झाली. शिक्षक दिनानिमित्त विद्यार्थी शिक्षक यांनी शालेय कामकाज व अध्यापन कार्य केले. विद्यार्थ्यांनी शिक्षकांच्या भूमिकेत वर्गात अध्यापन कार्य केले जे पाहून शिक्षक आणि इतर विद्यार्थी भारावून गेले. यावेळी विद्यार्थी शिक्षकांनी गणित,विज्ञान मराठी, हिंदी,इंग्रजी,समाजशास्त्र, शारीरिक शिक्षण, कला,क्रीडा आदी विषय शिकविले. यावेळी आयोजित कार्यक्रमास विद्यार्थी शिक्षकांनी शिक्षकांचा यथोचित सन्मान केला या प्रसंगी शालेय मुख्याध्यापिका श्रीमती पूनम डी.मढे यांनी आपल्या भाषणात शिक्षकांच्या योगदानाचे महत्त्व सांगितले आणि विद्यार्थ्यांना आदर्श नागरिक बनण्याचा सल्ला दिला.

कार्यक्रमाचे सूत्रसंचालन इयत्ता सहावी चे विद्यार्थी शिक्षक काव्या वाळके,निर्विघ्न नाईक दोघांनी मिळून केले. तसेच आभार शौर्य आहेर यांनी मांडले. या कार्यक्रमाप्रसंगी शाळेचा परिसर आनंदाने गजबजून गेला होता हा दिवस शिक्षक व विद्यार्थ्यांमध्ये स्नेह व कृतज्ञतेची भावना दृढ करणारा ठरला.