नाशिक विभागाचे विभागीय आयुक्त प्रवीण गेडाम तसेच जळगाव जिल्ह्याचे जिल्हाधिकारी आयुष प्रसाद यांच्याकडे शासकीय कार्यालयात २८ सप्टेंबर हा दिवस माहिती अधिकार दिवस म्हणून साजरा करण्याची स्वराज्य पोलीस मित्र पत्रकार संरक्षण आणि माहिती अधिकार संघटना तसेच ऑल इंडिया ब्लू टायगर सेनेचे जिल्हाध्यक्ष हेमकांत गायकवाड यांनी मागणी केली आहे.
या निवेदनात त्यांनी माहिती अधिकार हा कायदा नागरिकांना हक्क प्रदान करणारा महत्त्वपूर्ण कायदा असून या कायद्याचा प्रसार व प्रचार करणे ही प्रशासनाची जबाबदारी आहे. तसेच या कायद्याचे महत्व व उपयोगिता सर्व शासकीय अधिकारी व कर्मचारी तसेच सामान्य नागरिक यांना व्हावी म्हणून शासकीय आस्थापना म्हणून आपली जबाबदारी आहे.आंतरराष्ट्रीय स्तरावर २८ सप्टेंबर हा दिवस माहिती अधिकार दिन म्हणून साजरा केला जातो. त्याअनुषंगाने आपल्या स्तरावर कार्यवाही व्हावी अशी अपेक्षा व्यक्त केली आहे.
गायकवाड यांनी त्यात म्हटले की,२८ सप्टेंबर २०२५ या 'दिवशी रविवार असल्याने एक दोन दिवस मागे किंवा पुढे माहिती अधिकार दिवस म्हणून साजरा करण्यात यावा अशी मागणी केली. या निवेदनात त्यांनी शासन निर्णय क्रमांक - के मा अ २००८/पत्र क्र.३७८/०८/ सहा सामान्य प्रशासन विभाग, मंत्रालय, मुंबई दिनांक २० सप्टेंबर २००८ शासन निर्णय संदर्भ देत सर्व शासकीय कार्यालयांना सुचना याव्यात जेने करुन माहिती अधिकार कायद्या बाबत अधिकारी व कर्मचारी नागरिकांमध्ये जनजागृती होण्यासाठी असे त्यांनी ईमेल द्वारे पाठवलेल्या निवेदनात म्हटले आहे.
0 Comments