कासलीवाल विद्यालयाच्या चार टेबल टेनिस संघांची स्पर्धेत विभागीय स्तरावर निवड......

 Bay- team aavaj marathi 

विजय जी चोपडा जेष्ठ पत्रकार नांदगाव (नाशिक)

नाशिक जिमखाना नाशिक येथे क्रीडा व युवक संचालनालय जिल्हा क्रीडा अधिकारी नासिक यांच्या वतीने  दि १ आणि दोन सप्टेंबर रोजी घेण्यात आलेल्या जिल्हा पातळीवरील टेबल टेनिस स्पर्धेत नांदगाव येथील जे. टी. कासलीवाल इंग्लिश मेडीयम स्कूल या शाळेच्या १४ आणि १७ आणि एकोणीस वर्षाखालील टेबल टेनिस खेळाडूंनी घवघवीत यश संपादन केले. या स्पर्धेत विद्यालयाच्या १४ व १९ वर्षाच्या आतील मुलींनी विस्डम हायस्कूलच्या विद्यार्थ्यांचा अंतिम सामन्यात पराभव केला.

 त्याचप्रमाणे १७ व १९ वर्षाखालील मुलांनी अनुक्रमे डीपीएस स्कूलचा व विस्डम हायस्कूलच्या अंतिम सामन्यात पराभव करून विशेष यश संपादन केले.या चारही टेबल टेनिस संघाची धुळे येथे होणाऱ्या विभागीय स्पर्धेसाठी निवड झाली आहे. 

या सर्वांना क्रीडा शिक्षक अशोक बागुल सर यांचे मार्गदर्शन लाभले.तसेच संघव्यास्थापक म्हणून शाळेच्या जेष्ठ शिक्षिका सौ.रिटा उबाळे यांनी काम पाहिले.संस्थेचे चेअरमन श्री. सुशिलकुमार कासलीवाल आणि सर्व पदाधिकारी तसेच शिक्षक व शिक्षकेतर कर्मचारी यांनी सर्व विजेत्या खेळाडू मुलामुलींचे खुप कौतुक व अभिनंदन केले आणि पुढील स्पर्धेसाठी शुभेच्छा दिल्या.