मालेगाव शहरात अंमली पदार्थासह तिघांना विशेष पोलिस पथकातील पोलिसांनी नाशिक ग्रामीण जिल्हा पोलीस अधीक्षक श्री. बाळासाहेब पाटील यांनी आदेशीत केल्याप्रमाणे, जिल्हयातील अवैध व्यवसायांचे समूळ उच्चाटन तसेच सराईत गुन्हेगारीस प्रतिबंध होण्यासाठी सत्वर कारवाई करण्यात येत आहे. त्याअनुषंगाने अपर पोलीस अधीक्षक मालेगाव श्री. तेगबीर सिंह संधू यांचे पथकाने किल्ला पोलीस ठाणे हद्दीत अवैधरित्या अंमली पदार्थ एम.डी. पावडरची विक्री करणारे इसमांवर छापा टाकून कारवाई केली असल्याचे पोलीस सुत्रांनी कळविले आहे.
दिनांक १४ आक्टोबर रोजी अपर पोलीस अधीक्षक मालेगाव श्री. तेगबीर सिंह संधू यांना मिळालेल्या गुप्त बातमीनुसार, मालेगाव शहरातील हिरापुरा मैदान परिसरात काही इसम हे अवैधरित्या अंमली पदार्थ एम.डी. पावडर कब्जात बाळगुन विक्री करीत असल्याची गोपनीय माहिती मिळाली होती. त्याप्रमाणे मालेगाव विशेष पथकातील अधिकारी व अंमलदार यांनी सदर ठिकाणी छापा टाकून, अंमली पदार्थ एम.डी. पावडरची अवैधरित्या विक्री करणारे अन्सारी इस्तियाक मुख्तार अहमद, वय २५, रा. हुडको कॉलनी, मालेगाव व जलाल अहमद मोहम्मद हनीफ शेख, वय ३२, रा. मोसीन खान जैनुलाब्दीनान, वय ३७, रा. गुलशेर नगर, गल्ली न. २, मालेगाव या तीन इसमांना ताब्यात घेतले असून परवेज गोवंडी, पुर्ण नाव गाव माहित नाही हा संशयित फरार आहे.
यातील ताब्यात घेततलेले आरोपी क. १ ते ३ यांचे कब्जातून ५,८२, २००/- रू. किंमतीची १९४ ग्रॅम वजनाची एम.डी. पावडर जप्त करण्यात आली आहे. सदर इसम हे विनापरवाना बेकायदेशीररित्या मानवी मनावर विपरीत परिणाम करणारा एम.डी. पावडर नावाचा अंमली पदार्थ वितरण व विक्री करण्याचे उ‌द्देशाने स्वतःचे कब्जात बाळगतांना मिळुन आले असुन त्यांचे विरूध्द किल्ला पोलीस ठाणे स गुरनं १८४/२०२५ एन.डी.पी.एस. कायदा १९८५ चे कलम ८ (क), २२ (क) प्रमाणे गुन्हा दाखल करण्यात आला आहे. यातील आरोपी क. १ ते ३ यांनी फरार आरोपी परवेज गोवंडी यांचेकडून एम.डी. पावडर घेवुन स्वतःचे आर्थिक फायद्यासाठी विकी व वितरण करतांना मिळुन आले आहे. यातील फरार आरोपीचा पोलीस पथक कसोशीने शोध घेत असून सदर अंमली पदार्थ एम. डी. पावडर ही कोठुन आणली याबाबत पुढील तपास चालु आहे.
नाशिक ग्रामीण जिल्हा पोलीस अधीक्षक श्री. बाळासाहेब पाटील, अपर पोलीस अधीक्षक मालेगाव श्री. तेगबीर सिंह संधू यांचे मार्गदर्शन व सुचनांप्रमाणे किल्ला पोलीस ठाण्याचे पोलीस निरीक्षक श्री. सुधीर पाटील, मालेगाव विशेष पथकातील पोउनि पाराजी वाघमोडे, पोलीस अंमलदार दिनेश शेरावते, सचिन बेदाडे, राकेश जाधव, अक्षय चौधरी, राम निसाळ, पंकज भोये, तांत्रिक विभागाचे पो.हवा हेमंत गिलबिले, प्रदिप बहिरम, नितीन गांगुर्डे यांचे पथकाने वरील प्रमाणे कारवाई केली आहे.
0 Comments