नांदगाव तालुक्यातील लोढरे ग्रामपंचायत उपसरपंच पदी साईनाथ पोकळे यांची शुक्रवार दि.१७ रोजी झालेल्या मासिक बैठकीत बिनविरोध निवड झाली.या मासिक बैठकीच्या अध्यक्षस्थानी लोकनियुक्त सरपंच सौ.ज्योती प्रमोद निकम ह्या होत्या. तर शिवसेना नेते व आ सुहास अण्णा कांदे यांचे खंदे समर्थक, नांदगाव कृषी उत्पन्न बाजार समितीचे माजी उपसभापती श्री. दत्तात्रेय पा.निकम हे होते.
पोकळे यांचा उपसरपंच पदासाठी एकमेव अर्ज आला असल्याने ग्रामपंचायत अधिकारी सौ.प्रिती निवृत्ती कांबळे यांनी त्यांची बिनविरोध निवड झाल्याचे घोषित केले. पोकळे यांची बिनविरोध निवड झाल्याने त्यांचा शॉल देवून व पुष्पहार घालून सत्कार करण्यात आला. याप्रसंगी माजी उपसरपंच ग्रामपंचायत सदस्य श्री. सुनील निकम, श्री.धोंडिराम निकम, श्री.भगवान घाडगे, सौ. आशाबाई आंग्रे, सौ.सारिका ताई निकम, सौ सरलाताई चव्हाण,सौ.धोंड्याबाई पोकळे श्रीमती संगीता सोनवणे तसेच ग्रामस्थ मोठ्या संख्येने हजर होते.
0 Comments