विमा संरक्षित दराने पिकविमा भरपाई द्यावी.- महेंद्र बोरसे

 Bay -team aavaj marathi 

राज्यात नुकत्याच काही दिवसांपूर्वी एका विदर्भ मराठवाड्यासह बहुतेक ठिकाणी मोठ्या प्रमाणात अतिवृष्टी झाली. यामध्ये झालेल्या नुकसानीची सर्वच राजकीय नेत्यांचं अधिकारी पदाधिकाऱ्यांनी पाणी केली. एकंदरीत नुकसान ग्रस्त शेतकरी बांधवांसाठी मदतीची घोषणा करतांना संपूर्ण नुकसान झालेल्या पिकांसाठी हेक्टरी १७ हजार रुपये पीकविमा भरपाई देण्यात येईल अशी माहिती सन्माननीय मुख्यमंत्री महोदयांनी पत्रकार परिषदेत दिली.परंतु पिकविमा काढतांना संपूर्ण नुकसानीसाठी विमा कंपनीने निश्चित केलेली हेक्टरी पिक निहाय विमा संरक्षित रक्कम आणि सरकारने जाहीर केलेली हेक्टरी भरपाई रक्कम ह्यातील तफावत चिंताजनक आहे.त्या संदर्भात संबंधित यंत्रणांनी खुलासा करावा अशी मागणी राष्ट्रवादी काँग्रेस पक्ष शरदचंद्र पवार यांच्या वतीने तालुकाध्यक्ष महेंद्र बोरसे यांनी केली आहे.

 सुधारित पीकविमा योजनेत विमा कंपन्यांनी उत्पन्नाचा किमान उंबरठा म्हणजे जोखिम स्तर ७०% ठेवला आहे,जोपर्यत उंबरठा पेक्षा कमी उत्पादन होत नाही तोपर्यंत नुकसान भरपाई मिळत नाही,विमा परतावा देण्यासाठी संपूर्ण नुकसान गृहीत धरून विमा संरक्षित रक्कम निश्चित केली जाते त्या प्रमाणात भरपाई दिली जाते,सुधारीत पीकविमा हंगामात नाशिक जिल्ह्यासाठी निश्चित केलेली पिक निहाय हेक्टरी रक्कम रुपये भात -५४५००,ज्वारी -३३०००, बाजरी-३२०००,नाचणी -१५०००, भुईमूग-४५०००,सोयाबीन-५४५००, मूग/उडीद -२२०००,तूर-४७०००, कापूस-६००००,मका-३६०००,कांदा -६८००० ह्या प्रमाणे आहेत,म्हणजे जर विमा संरक्षित पिकांचे संपूर्ण नुकसान झाले.

 तर वरील निश्चित दराने भरपाई मिळणे अपेक्षित आहे,परंतु राज्य सरकारने जाहीर केल्याप्रमाणे शेती पिकांचे संपूर्ण नुकसान झाल्यास प्रति हेक्टर १७ हजार रुपये पीकविमा भरपाई देणार आहेत. त्यातही पिक कापणी प्रयोगानुसार पीकविमा भरपाई रक्कम ठरणार आहे.सरकार देणार असणारी पिकविमा भरपाई ही पिकविमा कंपनीच्या भरपाई व्यतिरिक्त आहे का? ह्याचा खुलासा होणे अपेक्षित आहे,कारण सदरची भरपाई जर पिकविमा कंपनीच्या वतीने असेल तर हा शेतकऱ्यांवर अन्याय होईल,सुधारीत पीकविमा योजनेत राज्य सरकारने ८०/११० हा फॉर्म्युला स्वीकारला असल्याने सरकारचे दायित्व वाढले आहे,त्यामुळे राज्याची एकंदरीत आर्थिक परिस्थिती पाहता जबाबदारी टाळण्यासाठी राज्य सरकारने ही संदिग्ध भूमिका घेतली आहे का ? याचा खुलासा व्हावा, अशी मागणी राष्ट्रवादी काँग्रेस पक्ष शरदचंद्र पवार यांच्या वतीने करण्यात आली आहे.

Post a Comment

0 Comments