नांदगांव कृषी उत्पन्न बाजार समिती अंतर्गत येणाऱ्या न्यायडोंगरी उपबाजार समितीचे आवारात आज दि.९ आक्टोबर रोजी बाजार समितीचे सभापती इंजि.दर्शन आहेर यांच्या प्रमुख उपस्थितीत मकाच्या लिलावाची सुरुवात करण्यात आली. यावेळी सभापती आहेर म्हणाले की, न्यायडोंगरी हे गाव राष्ट्रीय महामार्गालगत असून येथील उपबाजार आवारात सर्व व्यापारी बांधवांनी चांगला व्यापार करून बाजार समिती बरोबरच न्यायडोंगरी गावाचा ही विकास साधावा असे आवाहन सभापती इंजि.दर्शन आहेर यांनी केले. ते उपबाजार न्यायडोंगरी येथे मका शेतमाल लिलावाचा शुभारंभ प्रसंगी बोलत होते.
याप्रसंगी उपबाजार येथे मका शेतमालाचा लिलावाचा शुभारंभ गुरूवार रोजी करण्यात आला. सभापती आहेर यांचे हस्ते व संचालक दिपक मोरे यांचे प्रमुख उपस्थिती मध्ये पार पडला. व्यापारी वर्गाने शिवार खरेदी न करता मका शेतमाल जाहिर लिलावातून च उपबाजार आवारामध्ये खरेदी करावा असे आवाहनही यावेळी त्यांनी केले. तसेच न्यायडोंगरी यार्ड वर वॉल कंपाऊंड, मुख्य प्रवेशद्वाराचे काम अंतिम टप्प्यात असून न्यायडोंगरी यार्डवर विकास कामे करतांना उत्पन्नानुसार कामे करावी लागत असल्याने उपबाजाराचे उत्पन्न कसे वाढेल यांवर सर्वच घटकांनी लक्ष देणे गरजेचे असल्याचे त्यांनी यावेळी सांगीतले. याप्रसंगी झालेल्या लिलाव वेळी मका शेतमाल कमीत कमी १५७६ जास्तीत जास्त २१५२ सरासरी २०५० असे बाजारभाव निघाले. यावेळी मका शेतमाल विक्री करणारे पिंपरखेड येथील शेतकरी भाऊसाहेब बोरसे यांचा प्रातिनिधीक स्वरूपात सत्कार करण्यात आला.
तसेच प्रथम खरेदी करणारे व्यापारी मित ट्रेडींग कंपनीचे राहुल छाजेड यांचाही यावेळी सत्कार करण्यात आला. तसेच व्यापारी असोसिएशन न्यायडोंगरी तर्फे सभापती व संचालक , सचिव अमोल खैरनार यांचा सत्कार करण्यात आला. तसेच बाजार समितीच्या वतीने शेतकरी बांधवांबरोबरच व्यापारी वर्गाचाही यावेळी सत्कार करण्यात आला. या कार्यक्रमा प्रसंगी बाजार समितीचे संचालक दिपक मोरे , यांचेसह सचिव अमोल खैरनार , बाबासाहेब साठे , संजयकुमार बोरसे , सुनिल पवार यांचे सह व्यापारी राहुल छाजेड , विजय आहेर , सुमतीलाल दुगड,दत्तू शेवाळे,जोएब तांबोळी, शितल अजमेरा इत्यादी व्यापारी व शेतकरी वर्ग उपस्थित होते. शेतकरी वर्गाला न्यायडोंगरी कार्यालय आवारातच रोख स्वरूपात शेतमाल विक्रीचे पैसे अदा केले जातील. तसेच शेतकरी वर्गाने मका शेतमाल ओला न आणता वाळवून, प्रतवारी करून विक्रीस आणावा जेणे करून बाजारभाव चांगला मिळणेस मदत होईल असे आवाहन बाजार समितीचे सभापती इंजि. दर्शन आहेर,उपसभापती अनिल सोनवणे, सचिव अमोल खैरनार यांनी केले आहे.
0 Comments